Беларускія суддзі будуць выкарыстоўваць у працы ШІ
Але замяняць ШІ рэальнага суддзю пакуль не плануюць, расказаў БелТА старшыня Вярхоўнага Суда Валер Калінковіч.
Штучны інтэлект у сваёй працы будуць выкарыстоўваць беларускія суддзі, паведаміў Калінковіч.
Аднак ні тэрмінаў, ні канкрэтнага фармату такога супрацоўніцтва з тэхналогіямі ён не назваў. Па словах Калінковіча, рэальнага суддзю робат не заменіць:
«Гэтага дакладна не будзе. Мы ніколі не пойдзем на тое, каб справядлівае пакаранне чалавеку, які здзейсніў злачынства, спрабаваў прызначаць робат у любым яго набліжэнні».
Штучны інтэлект могуць папрасіць аналізаваць вялікія аб'ёмы дадзеных, сказаў ён.