Як у Вільні развітваюцца з амерыканскімі вайскоўцамі, якія загінулі на палігоне ў Падброддзі ФОТА
3 красавіка на Кафедральнай плошчы Вільні праходзіць цырымонія развітання з загінулымі на палігоне ў Падброддзі амерыканскімі вайскоўцамі, піша «Свабода».
У Вільні праходзіць цырымонія развітання з загінулымі на палігоне ў Падброддзі амерыканскімі вайскоўцамі. Усе фота: «Радыё Свабода»
Картэж спыніўся на Кафедральнай плошчы, дзе яго сустрэлі літоўскі арцыбіскуп Гінтарас Грушас, прэзыдэнт Літвы Гітанас Наўседа, камандарм Раймундас Вайкшнарас, міністар абароны Давіле Шакалене, іншыя высокапастаўленыя чыноўнікі і амбасадары. Далей картэж паедзе па праспэкце Гедыміна.
Жыхароў Вільні напярэдадні заклікалі ўшанаваць памяць загінуўшых. 3 красавіка з 10 да 12 гадзін у цэнтры Вільні абмежаваны рух транспарту.
Чацьвёра амэрыканскіх жаўнераў ўваходзілі ў экіпаж бронемашыны М88 Hercules, якая затанула ў балоце каля палігону. Пра іх зьнікненьне стала вядома 25 сакавіка. Пошукавая апэрацыя працягвалася некалькі дзён. Бронемашыну знайшлі ў балоце і здолелі выцягнуць на паверхню толькі пад раніцу 31 сакавіка. У той жа дзень знайшлі целы трох амэрыканскіх вайскоўцаў, а 1 красавіка — цела чацьвёртага вайскоўца, які таксама загінуў. Літоўская пракуратура завяла справу па факце сьмерці амэрыканскіх вайскоўцаў на палігоне ў Літве.