Венгрыя абвясціла пра выхад з юрысдыкцыі Міжнароднага крымінальнага суда
Венгрыя мае намер выйсці з юрысдыкцыі Міжнароднага крымінальнага суда (МКС). Такое паведамленне зрабіў у сераду, 3 красавіка, кіраўнік адміністрацыі прэм’ер-міністра Венгрыі Гергель Гуяш, піша Deutsche Welle.
Біньямін Нетаньяху і міністр замежных спраў Венгрыі Крыштаф Салай-Бабраўніцкі. Фота з фэйсбуку Крыштафа Салай-Бабраўніцкага
«Венгрыя выходзіць з Міжнароднага крымінальнага суда. У чацвер (3 красавіка) урад пачне працэс выхаду ў адпаведнасці з канстытуцыйнымі нормамі і палажэннямі міжнароднага права», — напісаў ён. Адзначаецца, што гэты крок Будапешт робіць на фоне візіту ў Венгрыю прэм’ер-міністра Ізраіля Біньяміна Нетаньяху, у дачыненні да якога дзейнічае ордар на арышт, выдадзены МКС.
21 лістапада 2024 года МКС выдаў ордары на арышт Нетаньяху і былога міністра абароны Ізраіля Ёава Галанта за дзеянні ізраільскіх вайскоўцаў у сектары Газа. Прэм’ер-міністр Венгрыі Віктар Орбан тады рэзка асудзіў гэты крок і паабяцаў запрасіць Нетаньяху ў Будапешт, праігнараваўшы патрабаванне Гаагі.
1 красавіка венгерская служба Радыё Свабода паведаміла са спасылкай на кіраўніка Мінюста Венгрыі Бенцэ Тужона, што Будапешт апавясціў замежных дыпламатаў пра выхад з МКС. Увесь працэс можа заняць да года, падлічылі журналісты. Венгрыя падпісала Рымскі статут аб МУС у 2001 годзе.