БЕЛ Ł РУС

Стала вядома, з кім пасланнік Пуціна сустракаўся ў ЗША

4.04.2025 / 13:26

Nashaniva.com

Спецыяльны прадстаўнік прэзідэнта Расіі па інвестыцыйна-эканамічным супрацоўніцтве з замежнымі краінамі, кіраўнік Расійскага фонду прамых інвестыцый Кірыл Дзмітрыеў 3 красавіка сустракаўся з сенатарамі-рэспубліканцамі, перадае NBC News са спасылкай на трох амерыканскіх чыноўнікаў.

Кірыл Дзмітрыеў

Паводле слоў суразмоўцаў тэлеканала, гаворка ідзе пра Ліндсі Грэма (сенатар ад Паўднёвай Караліны) і Маркуэйна Маліна (сенатар ад штата Аклахома).

Гэтая сустрэча адбылася па просьбе прэзідэнта ЗША Дональда Трампа, падчас яе абмяркоўваліся ўмовы ўрэгулявання канфлікту ва Украіне і патрабаванні расійскага лідара Уладзіміра Пуціна для спынення агню, удакладнілі крыніцы.

Застаецца невядомым, ці браў Трамп удзел у гэтай сустрэчы, перадае NBC News.

Чытайце таксама:

Спецпрадстаўнік Пуціна наведаў Вашынгтон

«ЗША чуюць пазіцыю Расіі». Пасланнік Пуціна распавёў пра вынікі сустрэч у Вашынгтоне

Каментары да артыкула