Аўстрыя закрывае межы з Венгрыяй і Славакіяй
З заўтрашняга дня Аўстрыя закрывае 24 пункты пропуску на мяжы з Венгрыяй і Славакіяй, піша Bild. Прычына гэтаму — успышка ў краінах-суседзях яшчуру — вострага віруснага захворвання, на якое хварэюць парнакапытныя жывёлы.
Цяпер хвароба распаўсюджваецца ўсяго за некалькі кіламетраў ад аўстрыйскай мяжы. У Венгрыі і Славакіі ўжо знішчаюцца тысячы жывёл, а Аўстрыя таксама ўводзіць забарону на ўвоз жывёл і прадуктаў жывёльнага паходжання, уключаючы буйную рагатую жывёлу, свіней, свежае мяса, сырое малако і дзічыну.
Гэтыя меры бяспекі працягнуцца папярэдне да 20 мая.
Яшчур лічыцца надзвычай заразным і б'е па ўсіх парнакапытных, уключаючы буйную рагатую жывёлу, свіней, коз і авечак. Таксама могуць быць інфікаваныя дзікія жывёлы, такія як алені.
Успышка захворвання выклікае небяспеку для сельскай гаспадаркі.
Чытайце таксама:
У Гродне патлумачылі, чаму лісы сталі часцей заходзіць у горад. Ці шмат сярод іх шалёных?
Масавая гібель жывёлы ў Магілёўскай вобласці. Пракуратура завяла дзясяткі крымінальных спраў