Пажар у Бабруйскім раёне знішчыў сем пабудоў
Паведамленне пра пажар блока гаспадарчых пабудоў у в. Вуглы паступіла ратавальнікам 4 красавіка ў 14:08, паведамляе МНС.
Фота: МНС
Падганяемы ветрам агонь па сухой траве імгненна дабраўся да пабудоў і цалкам ахапіў іх. Падраздзяленні МНС не далі пажару выйсці за межы зоны гарэння.
Шкода ад стыхіі значная: на трох падворках знішчана сем гаспадарчых пабудоў, а таксама пашкоджаны сцены і дах лецішча.
Папярэдне, пажар узнік з-за неасцярожнага абыходжання з агнём.