Пад Гомелем самакатчыца трапіла пад колы трактара
Інцыдэнт здарыўся 4 красавіка каля 11-й гадзіны дня.
Кіроўца трактара «Беларусь» з прычэпам пад'язджаў да Гомеля з боку вёскі Бярозкі і пры павароце направа сутыкнуўся з сустрэчным электрасамакатам Kugoo, на якім ехала 43-гадовая жанчына.
З-за атрыманых траўмаў жанчыне давялося легчы ў бальніцу.
Пры гэтым, паводле інфармацыі ДАІ, электрасамакат, на якім ехала жанчына, меў намінальную магутнасць электрарухавіка большую за 250 ват і мог разганяцца на хуткасць больш за 25 кіламетраў у гадзіну. На кіраванне такім транспартам трэба мець адпаведныя правы, а ў пацярпелай жанчыны іх не было.