Błohier pakazaŭ, jak pieravaryŭ samy hniły «Falksvahien Holf» u Biełarusi
Abjomy vykananych rabot uražvajuć, bo majstar faktyčna zvaryŭ mašynu nanova.
Fota: skrynšot ź jutub-kanała «Tački pacanov s rajona»
Pieršyja videa z «Falksvahien Holf», jaki amal całkam vyhniŭ, aŭtar apublikavaŭ u vieraśni 2024 hoda. Ramontnyja pracy praciahnulisia paŭhoda.
Na videa bačna, što ŭ mašyny nie zastałosia nivodnaha elemienta, jaki b nie byŭ mocna paškodžany karozijaj.
Fota: skrynšoty ź instahrama aleksandr_zhitkevich_
Parohi raniej «ramantavali» z dapamohaj mantažnaj pieny. U vyniku jany nastolki mocna prahnili, što paśla vydaleńnia paškodžanych elemientaŭ, parohaŭ i bolšaj častki dnišča ŭ mašynie nie zastałosia. Usia kanstrukcyja trymałasia tolki na dachu i centralnym tuneli.
Fota: skrynšoty ź instahrama aleksandr_zhitkevich_
U videa chłopiec raspaviadaŭ, što siarod inšaha jamu daviałosia kanstrujavać macavańnie dla kresła kiroŭcy, pakolki jano taksama prahniła.
Zadniaja levaja čverć vyhniła nastolki mocna, što majstar vyrašyŭ zamianić jaje na vyrazanuju ź inšaj mašyny.
Fota: skrynšoty ź instahrama aleksandr_zhitkevich_
U kamientarach pad videa ludzi nie tolki vykazvajuć zachapleńnie ad taho, što ŭ błohiera ruki rastuć z pravilnaha miesca, ale i zadajucca pytańniem metazhodnaści takoha ramontu.
Vidavočna, što z ekanamičnaha punktu hledžańnia taki ramont nie maje nijakaha sensu, bo prahniŭ hety Holf litaralna paŭsiul.
Fota: skrynšoty ź instahrama aleksandr_zhitkevich_
Sam błohier tłumačyć, što heta mašyna znajomaha, jaki paprasiŭ jaho padvaryć aŭto. A pakolki ŭsiu hłybiniu trahiedyi možna było ŭbačyć tolki razabraŭšy mašynu, majstar nibyta nie moh admovicca ad ramontu, choć i papiaredžvaŭ haspadara ab tym, što rabić hetuju mašynu sensu niama.
Fota: skrynšoty ź instahrama aleksandr_zhitkevich_
Tym nie mienš prynamsi dla stvareńnia kantentu taki «Holf» — heta akurat toje, što treba.