U Biełarusi pračnulisia pieršyja klaščy
Budźcie aściarožnyja padčas prahułki ŭ parkach, lasach i za horadam.
Paśla zimovaj śpiački klaščy znoŭ aktyŭnyja. «Zaraz ich masavaja aktyŭnaść nazirajecca na terytoryjach adkrytych pryrodnych łandšaftaŭ, dobra prahretych soncam. Heta pustki, łužajki i ŭźleski», — paviedamlaje Hrodzienski abłasny centr hihijeny, epidemijałohii i hramadskaha zdaroŭja.
Tamu padčas prahułak važna pamiatać pra miery biaśpieki. Pierad vychadam u les varta skarystacca repielentami. Adzieńnie dla takich prahułak pavinna być maksimalna zakrytym.
Paśla viartańnia dadomu nieabchodna ŭvažliva ahledzieć siabie, dziaciej i chatnich hadavancaŭ.