U Babrujsku nieviadomy pakupnik patušyŭ pažar u kramie
U MNS raspaviali pra niezvyčajny incydent u adnoj z kramaŭ Babrujska. Naviedvalnik handlovaj kropki dapamoh pradaŭcam spravicca z zadymleńniem, paśla čaho paśpiašaŭsia pa svaich spravach.
Fota: MNS
Usio adbyłosia ŭdzień 1 krasavika ŭ kramie adzieńnia. Supracoŭnica adrazu ž paviedamiła pra zdareńnie vyratavalnikam. Tyja prybyli na vyklik i vyjavili niaznačnaje zadymleńnie. Ludzi na toj momant užo paśpieli pakinuć pamiaškańnie.
Viadoma, što na momant incydentu ŭ kramie było čaćviora čałaviek: dva pradaŭcy, zahadčyca i adzin pakupnik.
Mienavita apošni i staŭ niečakanym hierojem dnia, bo mužčyna samastojna likvidavaŭ pažar jašče da prybyćcia supracoŭnikaŭ MNS z dapamohaj paraškovaha vohnietušyciela.