BIEŁ Ł RUS

U Rečyckim rajonie zatrymali sieryjnaha padpalščyka leciščaŭ

4.04.2025 / 12:20

Nashaniva.com

U milicyju źviarnulisia ŭładalniki niekalkich leciščaŭ adnaho z sadovych tavarystvaŭ, na jakich adbyvalisia pažary. Na papiališčy haspadary zaŭvažali źniknieńnie rovara, instrumientaŭ i roznaha invientaru.

Fota: pres-słužba MUS

Apieratyŭniki ŭstanavili asobu i zatrymali złamyśnika, paviedamlaje pres-słužba MUS.

Im akazaŭsia 36-hadovy žychar Homiela i adnačasova susied pa leciščy. Mužčyna ŭzłomvaŭ zamki, pranikaŭ u čužyja damy, zabiraŭ usio bolš-mienš kaštoŭnaje, a zatym zamiataŭ ślady šlacham padpału.

Ahulnaja škoda skłała dziasiatki tysiač rubloŭ. Častka skradzienaha kanfiskavana i budzie viernuta ŭładalnikam.

Śledčymi zaviedziena kryminalnaja sprava za kradziež i naŭmysnaje źniščeńnie abo paškodžańnie majomaści.

Čytajcie taksama:

Kamientary da artykuła