Adrazu siem aŭtamabilaŭ sutyknulisia ŭ Homieli
Uviečary 4 krasavika ŭ Homieli na vulicy Chatajeviča adbyłosia DTZ, u jakim paškodžańni atrymali siem aŭtamabilaŭ, paviedamlaje miascovaja milicyja.
Masavaje DTZ zdaryłasia kala 17.30.
Aŭtamabil «Reno», kab nie sutyknucca z mašynaj, jakaja spyniłasia napieradzie, vyjechaŭ na susiedniuju pałasu ruchu, dzie sutyknuŭsia sa spadarožnym «Folksvahienam».
«U hety momant aŭtamabil «Mazda», jaki ruchaŭsia zzadu, prymianiŭ ekstrannaje tarmažeńnie, u vyniku čaho na jaho byŭ učynieny najezd aŭtamabilem «Folksvahien», — havorycca ŭ milicejskim paviedamleńni.
A paśla z-za niedatrymańnia dystancyi nie paźbiehli sutyknieńniaŭ z hetymi mašynami i aŭtamabili «Reno», «Piežo» dy «Nisan», jakija ruchalisia zzadu.
Na ščaście, nichto z udzielnikaŭ hetaha DTZ nie paciarpieŭ.