Pamior Paša Technik — zorka rasijskaha andehraŭndnaha chip-chopa
Rasijski repier Paša Technik (sapraŭdnaje imia Pavieł Iŭleŭ) pamior u balnicy ŭ Tajłandzie, paviedamiła jahonaja byłaja žonka. Apošni tydzień 40-hadovy artyst znachodziŭsia ŭ štučnaj komie, u jakuju jaho ŭviali tajskija miedyki paśla atručvańnia narkatyčnymi rečyvami.
Paša Technik byŭ adnoj z klučavych fihur rasijskaha andehraŭndnaha chip-chopa i byŭ viadomy zadzirlivymi pavodzinami, źviazanym z užyvańniem psichaaktyŭnych rečyvaŭ.
U apošnija hady zaležnaść Pašy Technika ad narkotykaŭ stała asabliva prykmietnaja. U 2018 hodzie jon prachodziŭ lačeńnie ŭ narkałahičnaj klinicy, a ŭ 2022-m pieranios komu paśla pieradaziroŭki i byŭ padłučany da aparata ŠVŁ, ale tady vyžyŭ.
27 sakavika 2025 hoda, znachodziačysia ŭ Tajłandzie, muzyka byŭ špitalizavany z atručvańniem, jak miarkujecca, z pryčyny pieradaziroŭki narkotykaŭ. Jaho ŭviali ŭ štučnuju komu, padklučyli da aparata žyćciazabieśpiačeńnia i pryznačyli mahutnuju terapiju antybijotykami i vazapresarami, ale heta nie dapamahło. Z časam stan pahoršyŭsia — pačałasia pnieŭmanija i paliorhannaja niedastatkovaść, što i pryviało da śmierci.