Chto moh by stać prezidentam Biełarusi ŭ 2035 hodzie — analizuje Šrajbman

Astapienia, Rudnik, Dźmitryjeŭ, Cichanoŭskaja? A moža Karatkievič? U kaho najbolšyja šancy?

Źleva naprava: Ryhor Astapienia, Lesia Rudnik, Andrej Dźmitryjeŭ, Taćciana Karatkievič, Śviatłana Cichanoŭskaja

U novym vypusku jutub-prajekta «ČiestnOK-LIVE» palityčnaha analityka Arcioma Šrajbmana paprasili acanić šancy asobnych pradstaŭnikoŭ demakratyčnych sił Biełarusi pieramahčy na sumlennych prezidenckich vybarach u 2035 hodzie.

Ryhor Astapienia

Pa słovach Šrajbmana, u Astapieni jość toje, čaho niama ŭ jaho, — viera, što narod maje racyju.

«U Ryhora sapraŭdy jość žadańnie rabić Biełaruś lepš svaimi dziejańniami, to bok aktyvizm. Jon pryrodny aktyvist. Choć jon zaraz analityk, ekśpiert, sacyjołah, ale ŭ jaho duša lažyć mienavita da źmieny realnaści», —

davodzić analityk i dadaje, što Ryhor Astapienia maje dobryja źniešnija dadzienyja i «ŭsie zumieršy buduć jaho»,

«Kali zachoča, pačnie razmaŭlać na narmalnaj movie, to ŭ jaho da hetaha kudy karaciejšaja darožka, čym u mianie», — ličyć Šrajbman.

Andrej Dźmitryjeŭ

Pa słovach Šrajbmana, u byłoha lidara ruchu «Havary praŭdu» i eks-kandydata ŭ prezidenty na vybarach 2020 hoda Andreja Dźmitryjeva jość adna rysa, jakoj niama šmat u kaho z palitykaŭ.

«Ja naziraŭ heta ŭžyvuju. Andrej choča razmaŭlać z prostymi ludźmi. Jon choča iści ŭ bar ci kudy-niebudź i havaryć, pierakonvać, słuchać. Heta navyk, jakoha šmat u jakich palitykaŭ niama, jaki vielmi patrebny».

Da taho ž, na dumku analityka, u Dźmitryjeva jość usprymańnie situacyi. Jon pavodzić siabie aściarožna, nie naviazvaje svoj paradak dnia. Časam takaja taktyka moža spracavać.

Da taho ž Dźmitryjeŭ, pa słovach Šrajbmana, «klovy palittechnołah».

Lesia Rudnik

«Top prosta. Usio jość: vizija, patryjatyzm, źniešnija dadzienyja. (…) U Biełarusi patrebna žančyna empatyčnaja va ŭładzie. Ja vializny prychilnik žanočaha lidarstva», — acaniŭ analityk palitołaha Lesiu Rudnik.

U toj ža čas, adznačaje Šrajbman, u Rudnik «nie lažyć duša» da palityčnaj karjery.

«Jana ščyraja, kali kaža, što analityka, ekśpiertyza, niejkaja hramadskaja dziejnaść dla jaje bolš blizkaja, čym voś prosta iści ŭ narod, vieści jaho na barykady ci niešta padobnaje».

Taćciana Karatkievič

Na dumku Šrajbmana, byłoj siabroŭcy Biełaruskaj sacyjał-demakratyčnaj partyi i eks-kandydatcy na prezidenckich vybarach 2015 hoda Taćcianie Karatkievič ułaścivy svojeasabliva styl lidarstva, jaki nie dazvalaje havaryć ab tym, što jana zdolnaja na praviadzieńnie žorstkich reform:

«Heta taki svojeasablivy styl lidarstva. Kłapatlivy, paternaliscki šmat u čym. Heta značyć, naŭrad ci jana zmahła b pravodzić niejkija žorstkija nieabchodnyja reformy».

U toj ža čas, Karatkievič, ličyć Šrajbman, mahła b stać kansiensusnaj fihuraj, zdolnaj abjadnać roznyja płasty hramadstva. Adnak jon nie ŭpeŭnieny, što ŭ samoj žančyny jašče zastałosia žadańnie ŭdzielničać u palitycy.

Śviatłana Cichanoŭskaja

Na pohlad analityka, małavierahodna pieramoha na prezidenckich vybarach u 2035 hodzie siońniašniaj lidarki demakratyčnaj apazicyi Śviatłany Cichanoŭskaj.

I pryčyna ŭ vostrym hramadskim kanflikcie. Cichanoŭskaja stała fihuraj, vakoł jakoj abjadnałasia tolki častka demakratyčnaha śpiektra, što vielmi vuzka.

U toj ža čas, analityk nie vyklučaje, što situacyja moža źmianicca:

«Ja nie dumaju, što jana mahła b stać abjadnaŭčaj fihuraj dla hramadstva. Ale nikoli nie kažučy nikoli. U palitycy mahčymy kambeki. Prosta zaraz mnie zdajecca, što jana ŭžo nie ŭ tym ampłua pracuje, jak u 2020 hodzie. Jana ŭžo chutčej pradstaŭnik kankretnaha kryła biełaruskaha hramadstva. Ale składana heta naciahnuć na ŭsio biełaruskaje hramadstva».

Kamientary da artykuła