U Hrodnie pradaviec viarnuŭ hrošy pakupniku navat paśla skančeńnia harantyi. Dapamahła ekśpiertyza
Žychar Hrodna bolš za hod tamu nabyŭ u kramie televizar, harantyjny termin na jaki ŭžo skončyŭsia. U pieryjad paślaharantyjnaha vykarystańnia televizar pierastaŭ karektna adlustroŭvać karcinku, na ekranie źjavilisia pałosy.
Fota: Dziaržkamitet sudovych ekśpiertyz
Mužčyna nieadnarazova źviartaŭsia da pradaŭca z prośbaj ab skasavańni damovy, ale atrymlivaŭ admovu: maŭlaŭ, skončyłasia harantyja.
Z takim rašeńniem mužčyna nie zhadziŭsia i źviarnuŭsia ŭ sud z patrabavańniem spahnać z pradaŭca hrašovuju kampiensacyju maralnaj škody, a taksama pieniu za niemahčymaść karystańnia televizaram da dnia razhladu spravy.
Adkazčyk admoviŭsia pryznavać patrabavańni. U vyniku była pryznačanaja sudovaja ekśpiertyza radyjoelektronnych pryład i bytavoj techniki, paviedamlaje Dziaržkamitet sudovych ekśpiertyz.
U chodzie praviadzieńnia ekśpiertyzy defiekt, ukazany zajaŭnikam, paćvierdziŭsia.
Było ŭstanoŭlena, što televizar znachodzicca ŭ niepracazdolnym stanie z-za niaspraŭnaści ŭ vyhladzie haryzantalnych pałos u nižniaj častcy ekrana i niaspraŭnaści ŭ vyhladzie samaŭźniknieńnia adklučeńnia karcinki na ekranie praz rozny pramiežak času z pryčyny niaspraŭnaści matrycy.
Taksama ekśpiertami ŭstanoŭlena, što paškodžańniaŭ, jakija śviedčać pra parušeńnie praviłaŭ ekspłuatacyi abo samastojnaje praviadzieńnie ramontu pradstaŭlenaha na ekśpiertyzu televizara, nie vyjaŭlena. Z ulikam taho, što pa vynikach sudovaha daśledavańnia fakt prodažu tavaru nienaležnaj jakaści znajšoŭ svajo paćvierdžańnie, adkazčyk dobraachvotna zadavoliŭ patrabavańni pazoŭščyka, jaki ŭ dalejšym admoviŭsia ad pazovu.
Takim čynam, mužčyna atrymaŭ mahčymaść viarnuć hrošy navat paśla zakančeńnia harantyi.
Časta ekśpiertyza radyjoelektronnych pryład i elektrabytavoj techniki stanovicca vyrašalnym źvianom u vyrašeńni sprečak pamiž pakupnikom, jaki sutyknuŭsia ź niekarektnaj pracaj abo niaspraŭnaściu technična składanaha tavaru bytavoha pryznačeńnia, i pradaŭcom, piša DKSE.