«Ja naziraŭ za hetym usio žyćcio». Syn Trampa padzialiŭsia mierkavańniem pra novyja handlovyja pošliny

Eryk Tramp, małodšy syn prezidenta ZŠA, vykazaŭsia na płatformie X nakont uviadzieńnia handlovych pošlin, inicyjavanaha jaho baćkam.

Eryk Tramp. Fota: Bryan Steffy / Getty Images

«Ja b nie chacieŭ apynucca ŭ liku apošnich krain, što vyrašyli zaklučyć ździełku z [Donaldam Trampam]. Chto pieršym ustupić u pieramovy — toj vyjhraje, a chto zatrymajecca, niepaźbiežna prajhraje. Ja naziraŭ za hetym śpiektaklem usio svajo žyćcio…» — piša jon u X.

Eryk źjaŭlajecca trecim dziciem prezidenta — paśla brata Donalda-małodšaha i siastry Ivanki, piša Bild.

Akramia taho, u jaho jość dva małodšyja zvodnyja braty ad inšych šlubaŭ Trampa — Cifani i Beran. Amierykanskija ŚMI nie raz zhadvali pra mahčymuju kankurencyju pamiž dziećmi prezidenta. Tak, Donald Tramp niaredka nazyvaŭ Ivanku svajoj «ulubionaj dačkoj», a padčas pieršaha prezidenctva jana zajmała prykmietnaje miesca ŭ Biełym domie ŭ jakaści aficyjnaj daradcy.

Razam sa starejšym bratam Donaldam-małodšym Eryk kiruje Trump Organisation — kampanijaj, što lažyć u asnovie siamiejnaha biźniesu ŭ śfiery nieruchomaści. Majomaść Eryka aceńvajecca prykładna ŭ 300 miljonaŭ dołaraŭ.

Staršynia Jeŭrakamisii Ursuła fon der Lajen zajaviła, što ES praciahnie pieramovy z Donaldam Trampam pa mytnym kanflikcie, adnačasova papiaredžvajučy pra mahčymyja žorstkija kontrmiery.

Kamientary da artykuła