Žurnalist paćvierdziŭ, što pašpart prykryćcia muža Siamaški dahetul sapraŭdny. I ŭziaŭ jaho pad kantrol na sajcie MUS
Žurnalist Alaksiej Karpieka prydumaŭ niezvyčajny sposab, jak možna paćvierdzić sapraŭdnaść pašparta prykryćcia Fiodara Harbačova, muža žurnalistki Volhi Siamaški.
Fiodar Harbačoŭ i «Viktar Makaviejeŭ»
Kožny hramadzianin Biełarusi moža stvaryć asabisty kabiniet na sajcie Ministerstva ŭnutranych spraŭ Biełarusi. U padkaście «Miedyjažaba» Karpieka raskazaŭ, što pasprabavaŭ zarehistravać taki kabiniet dla pašparta prykryćcia Fiodara Harbačova. Pa słovach žurnalista, u jaho atrymałasia heta zrabić — heta značyć, što pašpart na imia Viktara Makaviejeva realny. Ciapier mienavita Karpieka «kantraluje» dostup da hetaha pašparta na sajcie MUS.
Ahułam ža pašpart adlustroŭvajecca na sajcie MUS jak «dziejny dakumient». Heta značyć, što jon nie byŭ anulavany i paśla 2021 hoda (čas uzłomu bazy pašpartoŭ).
Harbačoŭ i Siamaška pakul tak i nie pryznali isnavańnie pašparta, vydadzienaha na imia Viktara Makaviejeva.
Čytajcie taksama:
«Kibierpartyzany»: U muža žurnalistki Volhi Siamaški sapraŭdy dva pašparty na roznyja imiony
«Baču pomstu za maju pracu». Volha Siamaška adreahavała na rasśledavańnie «NN»