U Dobrušy niemaŭla nazvali kaśmičnym imieniem

U Homielskaj vobłaści nabirajuć papularnaść kaśmičnyja imiony, paviedamili ŭ Hałoŭnym upraŭleńni justycyi Homielskaha abłvykankama. Tak, u Dobrušy maładyja baćki nazvali svaju novanarodžanuju dačku Łunoj.

Jak kažuć sami baćki, spačatku jany dumali nazvać małuju Ksienijaj abo Marharytaj. Ale ŭ niejki momant raptam im adnačasova zachaciełasia nazvać jaje Łunoj.

Kab pierakanacca ŭ svaim vybary, budučyja baćki navat zhulali ŭ łatareju i abodva vyciahnuli papierki ź imieniem Łuna, paśla čaho apošnija sumnievy raźviejalisia.

Imia padabajecca nie tolki baćkam, ale i inšym svajakam. 

Padobnyja imiony na Homielščynie, darečy, zdaralisia i da taho. U homielskich zahsach niadaŭna zarehistravali chłopčykaŭ ź imionami Mars i Kosmas. Apošniaha baćki nazvali pa matyvach rasijskaha filma «Bryhada».

Kamientary da artykuła