Новы літоўскі ўрад працягне падтрымліваць дэмакратычныя сілы Беларусі, заявіў новапрызначаны міністр замежных спраў Літвы Кястуціс Будрыс 27 снежня ў Вільні на сустрэчы са Святланай Ціханоўскай.
«Мы забяспечым, каб беларусы, якія атрымалі часовы прытулак у Літве, адчувалі сябе ў бяспецы і мелі магчымасць працаваць на карысць дэмакратызацыі сваёй краіны», — цытуе свайго кіраўніка МЗС Літвы.
Паводле слоў Будрыса, існаванне «дэмакратычнай і мірнай» Беларусі адпавядае інтарэсам Літвы ў плане бяспекі.
Літва, заявіў міністр, «падняла пытанне Беларусі на пасяджэнні Савета па замежных справах ЕС у Бруселі ў снежні і ўзніме яго ў студзені».
«Мы мусім гучна гаварыць пра тое, што адбываецца ў Беларусі — пра неаслабныя рэпрэсіі рэжыму Лукашэнкі супраць беларускага народа, працяглай падтрымцы расійскай ваеннай агрэсіі супраць Украіны, партнёрства з Кітаем, Іранам і Паўночнай Карэяй. Працэсы, якія адбываюцца ў Беларусі, будуць мець наступствы не толькі для Літвы, але і для ўсёй Еўропы і міжнароднай архітэктуры бяспекі», — лічыць кіраўнік літоўскай дыпламатыі.
Кястуціс Будрыс заступіў на пасаду 12 снежня 2024 года, калі новы ўрад на чале з прэм’ер-міністрам Гінтаўтасам Палуцкасам прынёс прысягу.
Палуцкас узначаліў урад Літвы
Сейм Літвы абраў спікера Сейма. Якое ягонае стаўленне да Беларусі
Урад Літвы забараніў прыём грамадзян Беларусі ў мясцовае апалчэнне
Новы кіраўнік МУС Літвы расказаў, ці трэба закрываць рэшту пунктаў пропуску на мяжы з Беларуссю
Новым міністрам унутраных спраў Літвы можа стаць чалавек, які валодае беларускай мовай
Цяпер чытаюць
«Дзеці са мной». Журналісты дазваніліся да былога мужа Анжалікі Мельнікавай і спыталі, дзе можа быць спікерка КР6
Каментары
Хопіць гэтай прафанацыі!