Першыя масавыя пратэсты ў ЗША пасля вяртання Трампа ў Белы дом. Сам ён гуляе ў гольф
Натоўпы ліберальных пратэстоўцаў сабраліся ў амерыканскіх гарадах на маніфестацыі супраць палітыкі прэзідэнта Дональда Трампа. Гэта найбуйнейшая агульнанацыянальная акцыя пратэсту ў ЗША з таго часу, як Трамп уступіў на пасаду, піша ВВС.
Арганізатары кампаніі Hands Off («рукі прэч») планавалі акцыі ў 1200 месцах ва ўсіх 50 штатах. У суботу вялікія натоўпы людзей можна было назіраць у Бостане, Нью-Ёрку, Чыкага, Лос-Анджэлесе і Вашынгтоне.
Сярод насельніцтва буйных гарадоў у ЗША пераважаюць супернікі Трампа. Аднак публічных пратэстаў у апошнія месяцы было няшмат.
Каментатары ў СМІ тлумачаць гэта рознымі прычынамі: ад стомленасці і дэпрэсіі ліберальнай часткі амерыканскага грамадства ад шматгадовай культурнай вайны да страху, што гэта справакуе Трампа адказаць гвалтам.
Ужо падчас пратэстаў за расавую справядлівасць у 2020 годзе многія прыхільнікі Трампа заклікалі яго прымяніць Акт аб паўстаннях, выдадзены на світанку амерыканскай незалежнасці ў 1807 годзе, і ўвесці войскі ў буйныя гарады. Падчас свайго другога тэрміну Трамп мала лічыцца з няпісанымі, а нярэдка і з пісанымі нормамі амерыканскай палітыкі і атачае сябе лаяльнымі людзьмі, гатовымі выканаць любы ягоны загад.
Пасля аб'яўлення Трампам высокіх мытных тарыфаў на імпарт дэманстрацыі салідарнасці прайшлі і ў многіх іншых краінах, у прыватнасці ў Лондане, Парыжы і Берліне.
У Вашынгтоне на мітынгу выступілі заканадаўцы ад Дэмакратычнай партыі. Яны асабліва шмат казалі аб ўплыве багатых донараў Трампа, перш за ўсё Ілана Маска. Кангрэсмен з Фларыды Максвел Фрост назваў гэта «паглынаннем нашага ўрада мільярдэрамі».
«Калі вы крадзеце ў народа, чакайце, што народ паўстане. Каля выбарчых скрыняў і на вуліцах», — падкрэсліў палітык.
У самога Трампа ў суботу публічных мерапрыемстваў не было. Ён гуляў у гольф у Мар-а-Лага і мае намер працягваць гуляць і ў нядзелю.
Том Хоўман, выконваючы абавязкі кіраўніка іміграцыйнай паліцыі ICE, у інтэрв'ю кансерватыўнаму каналу Fox News адазваўся аб пратэстуючых грэбліва: «Яны могуць пратэставаць у пустуючага дома, колькі хочуць… Пратэсты і мітынгі нічога не значаць. Так што няхай ідуць і рэалізуюць свае правы паводле Першай папраўкі [на свабоду слова]. Гэта нічога не зменіць».
Цяпер чытаюць
Стала вядома, як затрымалі былога каліноўца Максіма Ралько5
Каментары
Пытанне да трампістаў маска іланістаў з рБ і что тутака " левае"?? Мне падаецца ..падобные патрабавання былі у Беларусі
У Штатах нуварішы апошніх 30 год забыліся ..ні ведаюць чаму як " раптам" Форды Крупы іньшыя таўстасумы " закаталі губы" і пачалі сабе меньшы % процЭнт адсодак прыбытка
))) Добры вялікі акіян ні уратуе ад " Гроздя гнева" )))
Раман Стейнбека о " депресіі" 30 х в Штатах 90 год таму..Ўсе было Працяг будзе
========
І што? Вялікі амэрыканскі народ, калі б Трамп дастасаваў сілу, пагадзіўся б жыць таталітарнай краіне? А ў нас жа кажуць, што гэта паўночнакарэйцы і беларусы - "цярпілы", а амэрыканцы, аказваецца, таксама.