Спорт4444

Уэйн Грэцкі пра свайго дзеда з-пад Брэста: Ён быў рускім і парадаваўся б за рэкорд Авечкіна

Легендарны канадскі форвард Уэйн Грэцкі распавёў журналістам, што яго дзядуля абрадаваўся б таму, што Аляксандр Авечкін дагнаў сёння ноччу яго рэкорд, паведамляе Матч ТВ.

Уэйн Грэцкі і Аляксандр Авечкін на прэс-канферэнцыі пасля сённяшнага матча «Вашынгтона». Фота: Bruce Bennett / Getty Images

Нагадаем, што сёння ноччу расійскі форвард «Вашынгтона» Аляксандр Авечкін у матчы Нацыянальнай хакейнай лігі закінуў 894-ю шайбу ў НХЛ і дагнаў па колькасці шайб вечны рэкорд Уэйна Грэцкі, які трымаўся 31 год. У найбліжэйшага гульца, які можа дагнаць Авечкіна, Сіднэя Кросбі, які пакуль выступае ў НХЛ, 578 шайбаў.

Вось што Грэцкі сказаў сёння пра Авечкіна: «Ён лёгка забівае галы ў 39 гадоў. Слухайце, толькі Гордзі Хоў у 50 гадоў мог забіць 20 галоў у НХЛ. Так, гульня тады была іншай, я гэта разумею. Але калі табе 50 і ты забіваеш 20 галоў у гэтай лізе — значыць, ты добры хакеіст. Такі ж і Авечкін. Калі табе амаль 40 і ты забіваеш 40 галоў у НХЛ (за сезон) — значыць, ты вельмі круты хлопец. Асаблівы. Унікальны. Авечкін можа гуляць у НХЛ яшчэ тры ці чатыры гады. Я рады за яго. Я шчаслівы за Алекса.

Мой дзядуля быў рускім. Ён быў бы вельмі рады, што рускі пабіў мой рэкорд, так што ён малайчына, — прыводзіць словы Грэцкі карэспандэнт «Матч ТВ».

Нагадаем, што дзед Грэцкі Цярэнці нарадзіўся ў 1890я ў вёсцы Агдэмер (сёння Драгічынскі раён Брэсцкай вобласці). У пачатку XX стагоддзя Цярэнцій Лаўрэнавіч Грэцкі перабраўся ў Канаду праз Чыкага. Ён эміграваў з жонкай Ганнай і сынам Зіновіем. У новым заакіянскім жыцці дзядуля Уэйна пачаў насіць імя Тоні.

Неўзабаве ён развёўся са сваёй жонкай і пазнаёміўся з Марыяй з Цярнопальскай вобласці Украіны. У іх нарадзіўся сын Уолтар, які і стаў бацькам будучай легенды НХЛ.

Уолтар і Цярэнцій (Тоні) Грэцкі ўсяляк падтрымлівалі пачынанні юнага Уэйна і яго захапленне хакеем. З тых часоў спартсмен правёў выдатную кар'еру. Ён выступаў за «Эдмантан», «Лос-Анджэлес Кінгз», «Сэнт-Луіс» і «Рэйнджэрс» у НХЛ. Уэйн Грэцкі гуляў у НХЛ паміж 1978 і 1999 гг. За 21 год кар'еры ён устанавіў 61 рэкорд лігі.

Найвялікшым дасягненнем з'яўляецца найбольшая колькасць закінутых шайб — 894 у 1487 гульнях.

У 2010 годзе Уэйн Грэцкі пабываў у Мінску, прыехаўшы на матч зорак КХЛ. Тады яму была арганізавана сустрэча з далёкай сястрой Галінай Салдаценкавай.

Уэйн усяляк падтрымліваў Авечкіна ў гонцы таго за пабіццём рэкорду і яшчэ некалькі месяцаў таму пажадаў расіяніну зрабіць гэта.

Каментары44

  • нк такі, як ёсць
    05.04.2025
    У Амэрыцы мусіць пандэмія нейкая сёлета. Дужа моцна б’е па розуму
  • ) грецкому
    05.04.2025
    [Рэд. выдалена]
  • Фрунзік
    05.04.2025
    Хай бы Грэцкі ўзгадаў, што ягоная бабка была ўкраінкай. Як бы яна напэўна "парадавалася" за авечкіна

Цяпер чытаюць

Пракурорскі начальнік абурыўся неабгрунтаванымі затрыманнямі беларусаў8

Пракурорскі начальнік абурыўся неабгрунтаванымі затрыманнямі беларусаў

Усе навіны →
Усе навіны

«Гэтулькі ўсяго цікавага даведаешся са сшыткаў»: малады настаўнік хіміі стаў папулярным у тыктоку6

Новы трэнд тыктока: праціраць твар бананавай скуркай. Гэта сапраўды працуе?13

«Нічога не здарыцца з маімі дзецьмі, калі яны не прачытаюць Барто, Маршака, Чукоўскага». Гутарка са стваральніцай блогу «Кніжныя размовы»9

«Інтэр'еры з Pinterest» і «цэны як у Венецыі». У Гродне на месцы знесенага гістарычнага будынка адкрылі даражэнны буцік-гатэль10

З закрытых пратаколаў стала вядома, як Беларусь і Расія дзялілі калійны рынак

Расія ўдарыла ракетай па Крывым Рогу, ужо 14 загінулых12

«Мяне вельмі моцна непакоіць, чыё яно». Гісторыя беларуса, якому ў Польшчы перасадзілі новае сэрца4

Ад БНФ да ГРУ. Хто такая Наталля Судлянкова, якой чэхі загадалі пакінуць краіну55

Журналіст пацвердзіў, што пашпарт прыкрыцця мужа Сямашкі дагэтуль сапраўдны. І ўзяў яго пад кантроль на сайце МУС16

больш чытаных навін
больш лайканых навін

Пракурорскі начальнік абурыўся неабгрунтаванымі затрыманнямі беларусаў8

Пракурорскі начальнік абурыўся неабгрунтаванымі затрыманнямі беларусаў

Галоўнае
Усе навіны →

Заўвага:

 

 

 

 

Закрыць Паведаміць