Рэалізацыяй інвестыцыйнага праекта па стварэнні сеткі 5G у Беларусі будзе займацца ТАА «Беларускія воблачныя тэхналогіі», таксама вядомае як beCloud. Пра гэта гаворыцца ў указе № 139, які апублікаваны на партале Pravo.by.
Як вынікае з дакумента, на найбліжэйшыя 10 гадоў аператару прадастаўляецца шэраг ільгот і прэферэнцый. У межах інвестдамовы beCloud мае права на растрэміноўку на пяць гадоў па аплаце за выдзяленне радыёчастот. Пры гэтым аператар атрымае пераважнае права на атрыманне новых частот, піша Office Life.
Да канца 2034 года валавы прыбытак кампаніі не будзе абкладацца падаткам на прыбытак пры ўмове, што прыбытак будзе накіраваны на развіццё сеткі і закупку абсталявання. Кампанія таксама вызваляецца ад адлічэнняў у Рэспубліканскі фонд універсальнага абслугоўвання лічбавага развіцця і сувязі.
Акрамя таго, beCloud на пяць гадоў атрымае абарону ад неспрыяльных змяненняў падатковага заканадаўства. То бок, калі будуць павышацца нейкія падаткі і зборы або ўводзіцца новыя, аператар мае права прымяняць тыя нормы, якія дзейнічалі на момант падпісання дагавора.
Для кампаніі ўстаноўлены спрошчаны парадак праектавання і прыёмкі аб’ектаў. Ёй будзе выдзяляцца зямля без аўкцыёнаў і арэнднай платы, без кампенсацыі стратаў сельгасарганізацыям або былым уладальнікам і нават з правам высечкі насаджэнняў без кампенсацыйных пасадак.
Ёсць і іншыя прэферэнцыі, у тым ліку пад грыфам ДСК. Пры гэтым, калі дагавор будзе скасаваны па віне аператара, яму давядзецца кампенсаваць усе атрыманыя ільготы. Указ аб стварэнні сеткі 5G у Беларусі Аляксандр Лукашэнка падпісаў 1 красавіка.
Пракурорскі начальнік абурыўся неабгрунтаванымі затрыманнямі беларусаў8
Каментары