SBU vykryła bolš za 100 ahienturnych sietak. Rasijskija ahienty płanavali zabić Zialenskaha, Budanava i kiraŭnika samoj SBU
Vykanaŭcami musili stać vysokapastaŭlenyja asoby, adkaznyja za achovu kiraŭnictva krainy.

Pra heta na forumie «Ukraina. Hod 2025», jaki prajšoŭ 23 lutaha, zajaviŭ kiraŭnik SBU Vasil Maluk, paviedamlaje NV.ua.
«Za try hady my vyjavili 102 varožyja ahienturnyja sietki, siarod jakich byli i topavyja. Siarod ich byli i tyja, što płanavali likvidacyju navat našaha Viarchoŭnaha hałoŭnakamandujučaha, prezidenta Ukrainy», — paviedamiŭ Maluk.
Akramia taho, vorah sprabavaŭ arhanizavać zamach na načalnika Hałoŭnaha ŭpraŭleńnia raźviedki Ministerstva abarony Ukrainy Kiryła Budanava.
«I ŭsim hetym kiravali niepasredna z Łubianki. A vykanaŭcami byli vysokapastaŭlenyja čynoŭniki ŭpraŭleńnia dziaržaŭnaj achovy. Heta tyja, chto musiŭ adkazvać za achovu pieršych asob, ale vorah u svoj čas pranik i zdoleŭ ich zavierbavać. I jany vynošvali svaje złačynnyja namiery. Jany byli zatrymanyja nami ŭžo na stadyi niaskončanaha zamachu», — raspavioŭ kiraŭnik SBU.
Pavodle Maluka, płanavaŭsia zamach i na jaho.
Kiraŭnik SBU dadaŭ, što RF płanavała ździejśnić terakt u staličnym hipiermarkiecie.
«Jany zapłanavali terakt u adnym z hipiermarkietaŭ francuzskaj kampanii. U hadzinu pik, paśla šostaj viečara, kali tam šmat ludziej, u miescach, dzie znachodziacca lohkaŭzharalnyja sumiesi, pavinny byli spracavać vybuchovyja pryłady. Słava Bohu, my zmahli spynić heta zahadzia», — adznačyŭ Maluk.
Pavodle kiraŭnika SBU, Rasija dziejničaje jak sapraŭdny teraryst.
Maluk taksama padkreśliŭ, što, niahledziačy na ŭsie namiery voraha, «apieratyŭnaja situacyja ŭ nas zastajecca całkam kantralavanaj, i tak budzie praciahvacca dalej».
U pačatku 2023 hoda vydańnie Independent paviedamlała, što Zialenski z pačatku poŭnamaštabnaha ŭvarvańnia Rasii pieražyŭ bolš za 12 zamachaŭ. Pavodle haziety The New York Times, prynamsi adzin zamach dapamahło praduchilić CRU ZŠA.
U traŭni 2024 hoda Słužba biaśpieki Ukrainy paviedamiła, što vykryła sietku ahientaŭ 5-j słužby FSB RF, jakija rychtavali zabojstva prezidenta Ukrainy Uładzimira Zialenskaha. Pavodle źviestak SBU, u hetuju sietku ŭvachodzili dvoje pałkoŭnikaŭ Upraŭleńnia dziaržaŭnaj achovy. Akramia prezidenta, rasijanie płanavali likvidavać kiraŭnika SBU Vasila Maluka, načalnika HUR Kiryła Budanava i inšych vysokapastaŭlenych čynoŭnikaŭ.
Kamientary
Najbolš malaŭniča Łukašenka havaryŭ pra heta ŭ 2021 hodzie, kali raskručvałasia «sprava ab zmovie».
Apošniaje, što Zachadu treba zaraz — heta zabojstva Łukašenki i inšych čalcoŭ biełaruskaj namenklatury. Chacia b tamu, što heta samy prosty šlach da paŭnavartasnaj rasiejskaj akupacyi Biełarusi.
Ciapierašni «anons zamachu na zabojstva» maje dva tłumačeńni — psychalahičnaje i prahmatyčnaje.
Biełaruskija ci rasiejskija specsłužby mahli dać Łukašenku «infarmacyju» ab takich planach. Jon, z ulikam kanśpiralahičnaha stanu jahonaj śviadomaści, moh i pavieryć.
Prahmatyčnaja versija: razmovy pra plany Zachadu ŭčynić «raźniu biełaruskaj namenklatury» — nasamreč srodak umacavańnia kansalidavanaści i manalitnaści hetaj namenklatury.
Nahodaj stała prahrama viartańnia palityčnych uciekačoŭ. Miarkujučy pa ŭsim, jana (u tym vyhladzie, u jakim pryniataja) stała vynikam supiarečnaściaŭ pamiž roznymi «nožkami trona».
«Zachad budzie finansavać tolki kankretnyja mierapryjemstvy. Pažadana takoha radykalnaha planu, i navat užo nie ŭzroŭniu 2020 hodu. Źviaržeńnie, zabojstvy prezydenta, słužbovych asob. I ty tam nie ŭ apošnich šerahach (heta nie dla taho, kab ciabie napałochać, ty sam heta viedaješ). Heta značyć, usich, chto staŭ upopierak horła, — usich prybrać. Heta budzie finansavać Zachad», — paviedamiŭ Łukašenka.
Padobnyja «vykryćci» hučać ź jahonych vusnaŭ nie ŭpieršyniu. Najbolš malaŭničymi jany byli ŭ 2021 hodzie, kali raskručvałasia sprava ab «zmovie» Ščyhielskaha — Fiaduty — Ziankoviča. Tady Łukašenka taksama raskazvaŭ pra plany svajho zabojstva, za jakimi nibyta stajali samyja vysokapastaŭlenyja pradstaŭniki Zachadu.