Zianon Paźniak: Ni biełarusam, ni asabliva ŭkraincam nielha achajvać Trampa
Vieteran biełaruskaha ruchu daŭ niadzielnuju ŭstanoŭku svaim prychilnikam, u jakoj zaklikaŭ nie złavać Amieryku i Trampa.
Lidar ruchu «Volnaja Biełaruś» i kandydat u prezidenty — 1994 Zianon Paźniak zaściaroh svaich padpisčykaŭ ad krytyki ZŠA i Donalda Trampa.
«Ni biełarusam, ni asabliva ŭkraincam nielha achajvać Amieryku i zakonna vybranaha amierykanskim narodam prezidenta Donalda Trampa. Nichto nie maje prava źnievažać asobu i hańbić vialikuju demakratyčnuju krainu, ad jakoj zaležać losy śvietu. Usio, što robić i što budzie rabić prezident Tramp, idzie na karyść Ukrainy i ŭrešcie moža stać jaje paratunkam», — tłumačyć Paźniak.
Jon pieraličvaje stratehičnyja nacyjanalnyja intaresy Biełarusi na ciapierašnim histaryčnym etapie:
1) Acaleć jak nacyi i źbierahčy našu dziaržavu Biełaruś.
2) Nie dać zaciahnuć Biełaruś u čužuju vajnu.
3) Pazbavicca ad akupacyjnaha łukašysckaha režymu i razburalnaha ŭpłyvu Rasii.
Paźniak tłumačyć, što adzinaja kraina, jakaja mahła b dapamahčy biełarusam utrymacca i navat dasiahnuć budučyni, — heta ZŠA. I, adpaviedna, Tramp.
Jon spadziajecca, što ŭ Biełaruś paciakuć amierykanskija inviestycyi, uzamien na źniaćcie sankcyj vyjduć na svabodu palitviaźni, a Biełaruś atrymaje kampiensacyi za sankcyi.
Paźniak pierakanany, što pieramovy ab miry pačnucca. Na jaho dumku, u biełaruskich i ŭkrainskich nacyjanalnych intaresach, kab hetyja pieramovy adbyvalisia ŭ Minsku, u Biełarusi.
«Budučynia budzie (pavinna stać) tolki takoj, biełaruskaj i svajoj, bo inšaj budučyni ŭ hetych abstavinach nie moža być», — padsumoŭvaje Paźniak svoj zvarot pad nazvaj «Biełaruś pieradusim».
-
«Nastupili na ruku i złamali try palcy, bili elektrošokieram u pach» — eks-palitviazień z supołki «Sajuz biełaruskaha nacyjanalnaha ščyta»
-
«Polšča dla chłopca — kvitok u adzin kaniec na 10+ hadoŭ». Kudy pastupajuć dzieci ajcišnikaŭ
-
Jeŭrasajuz zapuściŭ prahramu padtrymki adukacyi biełarusaŭ, jakija paciarpieli ad palityčnych represij
Ciapier čytajuć
«Dzieci sa mnoj». Žurnalisty dazvanilisia da byłoha muža Anžaliki Mielnikavaj i spytali, dzie moža być śpikierka KR3
Kamientary
Stratehičnyja nacyjanalnyja intaresy Biełarusi na ciapierašnim histaryčnym etapie:
1) Acaleć jak nacyi i źbierahčy našu dziaržavu Biełaruś.
2) Nie dać zaciahnuć Biełaruś u čužuju vajnu.
3) Pazbavicca ad akupacyjnaha łukašysckaha režymu i razburalnaha ŭpłyvu Rasii.