Люты стаў самым халодным месяцам гэтага зімовага сезону і здолеў дагадзіць і снегам, і маразамі. А што ж абяцае нам надвор'е ў апошнія зімовыя дні?
У пачатку будучага тыдня працягнецца паслабленне маразоў. Зіма, якая пачалася з адлігі, ёю ж і завершыцца. Вясна будзе рабіць нясмелыя крокі, нагадваючы, што яе прыход не за гарамі, распавёў сіноптык Дзмітрый Рабаў на АНТ.
У пачатку тыдня ў большасці раёнаў будзе без істотных ападкаў. Ноччу і раніцай слабы туман, на асобных участках дарог галалёдзіца. Вільготнасць да 80%. Вецер паўднёва-ўсходні, умераны. Тэмпература ў панядзелак ноччу ад -5°C па захадзе да -12°C па ўсходзе, у аўторак на 2-3°C цяплей. Днём у панядзелак ад -2°C да -3°C, у аўторак ад -1°C у Віцебску да +6°C у Гродне.
Бліжэй да сярэдзіны тыдня будзе пераважаць воблачнае з праясненнямі надвор'е. Без істотных ападкаў. Ноччу ў сераду ад 0 па захадзе да -8°C па ўсходзе, у дзённыя гадзіны да +3°C.
І, папярэдне, у пачатку другой паловы тыдня ўмовы надвор'я стануць вызначаць атмасферныя франты і вільготныя паветраныя масы з паўднёвага захаду Еўропы. У большасці раёнаў будуць кароткачасовыя ападкі. Уначы ад -3°C да +3°C. удзень у чацвер ад +1°C да +6°C, у пятніцу ад +1°C да +4°C.
У першыя выхадныя сакавіка на большай частцы тэрыторыі краіны пройдуць ападкі. Вільготнасць да 70%. Ноччу каля 0, у сярэдзіне дня ў суботу ад + 1°C да +4°C, у нядзелю ад 0 да +3°C.
Цяпер чытаюць
Стала вядома, як затрымалі былога каліноўца Максіма Ралько5
Каментары