USAGM пагадзілася выдзеліць частку гранта Радыё Свабода, пакуль суд разглядае справу
Агенцтва ЗША па глабальных медыя (USAGM) пагадзілася выдзеліць медыякарпарацыі Радыё Свабода/Радыё Свабодная Еўропа частку сродкаў, выдзеленых Кангрэсам. Пра гэта стала вядома 24 сакавіка, напярэдадні запланаванага судовага паседжання па іску РСЕ/РС супраць кіраўніцтва агенцтва. Іск звязаны з спробай USAGM спыніць фінансаванне Радыё Свабода/Радыё Свабодная Еўропа, паведамляе Расійская служба медыякарпарацыі.
Гэта азначае, што РСЕ/РС атрымае 7,46 мільёна даляраў — суму, якая пакрывае перыяд з 1 па 14 сакавіка, то бок да дня, калі адна з часовых кіраўніц USAGM Кэры Лейк заявіла аб адмове выдзеліць медыяарганізацыі грантавыя сродкі.
«Агенцтва неадкладна прыняло адміністрацыйныя захады для ініцыявання выплаты», — гаворыцца ў лісце USAGM, далучаным да судовай справы. Удакладняецца, што сродкі павінны быць пералічаныя да 26 сакавіка, а РСЕ/РС атрымае іх да канца месяца.
На судовым паседжанні 24 сакавіка прадстаўніца Міністэрства юстыцыі ЗША Абіґейл Стоўт, якая выступала ад імя USAGM, заявіла, што грантавае пагадненне паміж агенцтвам і РСЕ/РС, у адпаведнасці з Законам аб міжнародным вяшчанні, дазваляе USAGM спыняць фінансаванне, калі медыякарпарацыя не выконвае ўмовы пагаднення. «Такім чынам, закон прадугледжвае, што агенцтва можа спыніць прадастаўленне гранта», — паведаміла Стоўт.
Прадстаўнік інтарэсаў РСЕ/РС адвакат Дэвід Зіонтс адзначыў, што «не было б ніякага сэнсу», калі б Кангрэс ухваляў фінансаванне толькі дзеля таго, каб «агенцтвы маглі рабіць усё, што ім захочацца».
Радыё Свабода/Радыё Свабодная Еўропа працягвае дамагацца выплаты астатняй часткі гранта, разлічанай на бюджэтны 2025 год, то бок да 30 верасня 2025 года. Медыякарпарацыя таксама падала ў суд хадайніцтва аб папярэдняй судовай забароне на спыненне фінансавання. Суддзя Ройс Ламберт павінен прыняць рашэнне па гэтым пытанні ў найбліжэйшыя тыдні.
Радыё Свабодная Еўропа/Радыё Свабода 18 сакавіка падала пазоў у суд на Агенцтва ЗША па глабальных медыя, а таксама на службовых асоб арганізацыі Кэры Лейк і Віктара Маралеса, каб заблакаваць іх спробы спыніць дзеянне зацверджанага Кангрэсам ЗША гранта, выдзеленага на працу арганізацыі.
Цяпер чытаюць
Стала вядома, як затрымалі былога каліноўца Максіма Ралько6
Каментары
"вылучыць" тут па сэнсу - "НІЯК" (
"вылучыць" - гэта "выбраць з нечага", "выдзеліць АД ТАГО ШТО НЕ ГОДНА"
Правильно Трамп с Маском делают, что пересматривают гос расходы