Аўто22

Як аўтакаміс падманвае пры продажы машыны са Штатаў

Патрыманае аўто пры продажы часам спрабуюць выдаць за больш новае. Вось да якіх выкрутасаў прыбягаюць.

Машына мае два гады прастою?

Яскравы прыклад падману пры продажы патрыманага аўто — аб'ява пра Ford Mustang 2018 года, выстаўлены на продаж у лідскім аўтакамісе за 21 750 даляраў.

У першым радку апісання пазначана, што гэтая машына «без прабегу па Беларусі».

Фота: скрыншот з сайта av.by

Але праверка па VIN паказвае, што гэта машына была прададзена ў ЗША 11 жніўня 2022 года. Роўна праз тры месяцы яна прайшла мытную ачыстку ў Беларусі.

Фота: скрыншоты з сайтаў bidfax.info і customs.gov.by, калаж: «Наша Ніва»

Атрымліваецца, што тут яна ўжо трэці год. І пашкоджанні, з якімі яна да нас прыехала, не выглядаюць настолькі істотнымі, каб на пошук запчастак і рамонт магло пайсці два гады.

Вызначыць дакладна, колькі гэты Ford Mustang за гэты час мог накалясіць па Беларусі, немагчыма, паколькі ў аўтамабіля скручаны прабег. 

На момант продажу ў ЗША прабег складаў 77 203 мілі (124 246 кіламетраў). Праз больш чым два гады ў Беларусі аўто прадаецца з заяўленым прабегам 79 тысяч кіламетраў.

Фота: скрыншоты з сайта bidfax.info

Нават па фота бачна, што стан крэсла кіроўцы не адпавядае заяўленаму прабегу. 

Фота: скрыншот з сайта av.by

Як мінімізаваць рызыку быць падманутым?

Калі гаворка ідзе пра аўто са Штатаў, то першае, што трэба зрабіць, — гэта ўвесці VIN-нумар у пошукавік. Амаль усе машыны, які едуць да нас з ЗША, набываюцца там на страхавых аўкцыёнах Copart або IAAI. Інфармацыя аб рэалізаваных лотах захоўваецца адразу на некалькіх сайтах, таму гуглёж VIN — самы просты, інфарматыўны спосаб, прычым яшчэ і бясплатны. 

Многія дасведчаныя прадаўцы пра гэта ведаюць і наўмысна пішуць у аб'яве памылковы VIN. Таму, калі па пазначаным нумары ў аб'яве аўто з ЗША не гугліцца, варта папрасіць прадаўца выслаць фота нумара кузава на машыне або тэхпашпарта. 

Калі і гэта не дапаможа, то ёсць верагоднасць, што прадавец вычысціў за грошы інфармацыю з адкрытага доступу. 

Калі машына са Штатаў не прабіваецца праз пошукавікі, можна набыць платную справаздачу Carfax. У ёй няма фота аўтамабіля, але там захоўваюцца даныя аб наяўнасці аварыйнага мінулага і візітах на СТА з указаннем прабегу.

Для праверкі гісторыі транспарту, які доўга эксплуатуюць у Беларусі, добра падыходзіць платны сэрвіс ад av.by. Таксама сэрвіс ад «Аўтамалінаўкі» захоўвае інфармацыю пра старыя аб'явы аб продажы аўто на іх сайце, гэта дазваляе ўбачыць, з якім прабегам, у якім стане і за якія грошы машыну прадавалі раней. Канешне, пры ўмове, што ў папярэдніх аб'явах прадаўцы паказвалі сапраўдны нумар кузава. Апроч гэтага, будзе гісторыя ДТЗ на тэрыторыі Беларусі, гісторыя праходжання тэхаглядаў з паказаннем прабегу і шмат іншага. 

Каментары2

  • Маўродзі
    27.12.2024
    Калі без вашай падказкі чытач не ў стане ўвесці VIN у пашуковы радок гугла, то гэта самы лепшы кліент на свеце. Не псуйце яму настрой перад набыццём аўтамабіля мары.
  • Хворбз
    27.12.2024
    Прынамсі,у Амерыцы з вось гэтыя гульні з майлэджам належыць турэмны тэрмін,гэта крымінальнае злачынства.Ў Беларусі не так?І таму лідзкія барыгі такія бестрашныя?

Цяпер чытаюць

Стала вядома, як затрымалі былога каліноўца Максіма Ралько2

Стала вядома, як затрымалі былога каліноўца Максіма Ралько

Усе навіны →
Усе навіны

На выезд з Беларусі сабраліся вялікія чэргі з грузавікоў

У новым сусветным рэйтынгу пашпартоў перамагла Ірландыя, а Беларусь на 125-м месцы4

Тамара Эйдэльман выпусціла новую лекцыю па гісторыі Беларусі26

Сацыёлаг пра анлайн-анкету ад Турчына: Нічым не адрозніваецца ад апытання на сайце «Нашай Нівы»10

У Мінску адкрылася кавярня з сапраўдным фантанам у цэнтры залы7

Кавалі: Я не чакаў, што Украіна так падарве ваенны патэнцыял Расіі10

«Арабы могуць быць у шоку, але трэнд ёсць трэнд»: беларусам прапаноўваюць дубайскія булкі да Вялікадня25

Германія ў адказ на пошліны Трампа можа запатрабаваць вярнуць 1200 тон золата7

Зяленскі пра рэакцыю ЗША на ўдар па Крывым Рогу: Такі моцны народ — і такая слабая рэакцыя28

больш чытаных навін
больш лайканых навін

Стала вядома, як затрымалі былога каліноўца Максіма Ралько2

Стала вядома, як затрымалі былога каліноўца Максіма Ралько

Галоўнае
Усе навіны →

Заўвага:

 

 

 

 

Закрыць Паведаміць