Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?
Eks-supracoŭnica Ministerstva pa padatkach i zborach Maryna Hiryn i eks-rabotnik Rady biaśpieki Jaŭhien Bury razam užo 13 hadoŭ. Ciapier jany ŭznačalvajuć ABBA (Asacyjacyju biełaruskaha biznesu za miažoj). Pahladzicie na ich jarkija zapaminalnyja vobrazy.
Jak Jaŭhien, tak i Maryna vielmi lubiać kaściumy. Pryčym vybirajuć jany nie banalnyja čorna-biełyja dvojki ci trojki, a składanyja prynty i kolery, jakija nie kožny zmoža ŭdała źmiksavać.
U hetym vypadku Maryna spałučyła błuzku ŭ krapinku (padobnuju da aŭtarstva Armani) z takim ža hieamietryčnym nizam — štanami ŭ pałosku.
Fiška Jaŭhiena, jak možna pabačyć, dadavać u svaje aficyjna-dziełavyja vobrazy aksesuar u vyhladzie jarkaj chustki. Nu i prosta nie bajacca koleraŭ.
Aksesuary ahułam — nieadjemnaja častka luboha vobrazu, kab zrabić jaho zavieršanym. Siamiejnaj pary ŭ hetym dapamahajuć cikavaja bižuteryja i sumački.
Jaŭhien Bury na fota nižej addaje pieravahu brendu Armani. A ŭ Maryny sabrałasia kalekcyja sumak ad Twinset, Dior i Gucci.
Jašče adna razynka vobrazaŭ pary — cikavyja, ledź zaŭvažnyja, akcenty ŭ manachromie.
Tut u Maryny hetuju rolu vykonvajuć karunki, a ŭ Jaŭhiena — žoŭtyja štany.
Šeryja asfaltnyja adcieńni adrazu hrajuć pa-inšamu z čyrvonym akcentam-halštukam ci jarkimi vusnami. Tak, makijaž časam vykonvaje takuju ž funkcyju dapaŭnieńnia vobrazu — jon moža padkreślić vašu zadumu ci sapsavać.
Para nie baicca jarkich koleraŭ i ŭ jakaści asnoŭnaj bazy. Ružovyja i žoŭtyja nastrajovyja kolery, vidavočna, adny ź lubimych u siamji. Jany vielmi aśviažajuć i dakładna vyłučać z natoŭpu.
Što ŭ Maryny, što ŭ Jaŭhiena atrymlivajecca vyhladać stylova navat u chałodny siezon, kali ŭsie navokał, zdajecca, zachutanyja ŭ biasformiennyja puchaviki, kurtki i šaliki z šapkami, čaściej — čornych koleraŭ.
Palito i abutak Maryny tut spałučajecca z vobrazam Jaŭhiena ŭ takich ža kavava-biežavych adcieńniach:
U vobrazach nižej taksama pieravažajuć naturalnyja, pryrodnyja adcieńni:
Jaŭhien Bury pracavaŭ u sistemie Ministerstva pa padatkach i zborach (1998-2014) i ŭ Radzie biaśpieki (2014-2019), u 2019-2020 — u IT-kampanii ŭ śfiery finansaŭ. U 2020 dałučyŭsia da Narodnaha antykryzisnaha ŭpraŭleńnia Paŭła Łatuški. U 2021 stvaryŭ ABBA.
Maryna Hiryn — pracavała ŭ sistemie Ministerstva pa padatkach i zborach, paśla pierajšła ŭ śfieru nieruchomaści. U ABBA adkazvaje za kirunak biznes-ledzi za miažoj, źjaŭlajecca suzasnavalnicaj bara Connect Wine Coffee Bar u Varšavie.
«Naša Niva» — bastyjon biełaruščyny
PADTRYMAĆCiapier čytajuć
Stała viadoma, jak zatrymali byłoha kalinoŭca Maksima Ralko5
Kamientary