Biełaruskaja doktarka raptoŭna daviedałasia, što «pracuje» psichołaham u miedcentry ŭ Rasii
Repraduktołah Alina Sałažkova viadzie pryjom u Minsku. Ale ad padpisčykaŭ svajho błoha jana daviedałasia, što jaje fota vykarystoŭvaje rasijski miedcentr. Doktarka navat pasprabavała zapisacca da siabie na pryjom.
Hiniekołah-repraduktołah viadzie błoh u instahramie, na jaki padpisany 10 tysiač čałaviek. Mienavita dziakujučy jamu jana raptam i daviedałasia pra svajo «pracaŭładkavańnie» ŭ zusim novaj śfiery — i navat z novymi imiem i proźviščam.
Alinie napisali, što jaje fota vykarystoŭvajecca na sajcie psikhiatr.clinic — paznačana, što jon naležyć klinicy psichijatra-narkołaha doktara Hładyšava (znachodzicca ŭ Maskvie). Padpisčyca vykazała mierkavańnie, što heta mohuć być machlary.
Tam pad fota hiniekołaha paznačana, što jaje zavuć Anastasija Špahina i što jana byccam by ŭžo 7 hadoŭ pracuje psichołaham. Ździŭlenaja biełaruskaja doktarka patelefanavała ŭ kliniku i pasprabavała zapisacca da siabie ž na pryjom.
— Mnie adkazali, što piersanał užo źmianiŭsia i ja ŭžo nie prymaju. Kaniešnie, jak ja mahu prymać, kali ja siońnia ŭ Minsku prymaju?! Ja dała im hadzinu i papiaredziła, što, kali fota nie prybiaruć z sajta, ja budu vyrašać pytańnie praz pravaachoŭnyja orhany.
Na dadzieny momant fota biełaruskaj doktarki ŭžo vydalena.
Ciapier čytajuć
Stała viadoma, jak zatrymali byłoha kalinoŭca Maksima Ralko5
Kamientary
ja hetak i nie zrazumieŭ, u čym tut "vniezapnosť"?!
"zanadta-pa-biełarusku" ? ci "po*uju-niuansy" ?
nieožidanno = niečakana niespadziavana (vniezapno) raptoŭna (vdruh) raptam
raptoŭna = vniezapno, nieožidanno; skoropostižno