Tramp prakamientavaŭ trahiedyju z amierykanskimi vajskoŭcami na palihonie ŭ Litvie
Prezident ZŠA prainfarmavany ab niaščasnym vypadku ŭ Padbrodździ, dzie patanuła ŭ bałocie husieničnaja mašyna M88 Hercules i byli znojdzienyja cieły traich sałdat. Jon vykazaŭ svaju viersiju, što mašyna, vierahodna, saśliznuła ŭ bałota, piša Delfi.lt.
Na pytańnie, ci jość u jaho śviežaja infarmacyja ab źnikłych u Litvie amierykanskich vajskoŭcaŭ, prezident ZŠA adkazaŭ: «Tak, jość».
«Traich ź ich užo niama siarod nas, čaćviortaha, vierahodna, taksama, ale heta pakul nie paćvierdžana. Heta byŭ vielmi ciažki aŭtamabil, vielmi ciažki, i, padobna, što bierah hetaha voziera abvaliŭsia. Była noč, było vielmi chałodna, šmat lodu. Musić, jany ślizhanuli, bo heta vielmi vialikaja i ciažkaja technika. Chutčej za ŭsio, tak i zdaryłasia, jany saśliznuli. Traich bolš niama z nami, a adzin źnik», — skazaŭ Donald Tramp, słovy jakoha pryvodzić Forbes u svaim videaroliku.
Delfi udakładniaje, što choć unačy ŭ Litvie byvaje minusavaja tempieratura, ale lodu niama navat u lasach.
U toj ža čas dziaržsakratar ZŠA Marka Rubia ŭ sacyjalnaj sietcy X padziakavaŭ Litvie za namahańni pa pošuku amierykanskich vajskoŭcaŭ.
Ciapier čytajuć
Stała viadoma, jak zatrymali byłoha kalinoŭca Maksima Ralko5
Kamientary