39-hadovy mužčyna na dziesiać sutak źniaŭ kvateru ŭ adnym z damoŭ na praśpiekcie Haziety «Praŭda», ale addaŭ haspadyni tolki častku sumy.
Kali ŭ jaho nie akazałasia hrošaj dla dalejšaj apłaty arendy, mužčyna ničoha lepšaha nie prydumaŭ, jak zakłaści ŭ łambard majomaść haspadyni — televizar, fien, maršrutyzatar i mikrachvaloŭku, pišuć «Minsk-naviny».
Pakolki kvatarant pastajanna pieranosiŭ terminy apłaty, haspadynia zapadozryła niešta niadobraje i pryjšła ŭ jaho adsutnaść u kvateru. Nie vyjaviŭšy svajoj majomaści, žančyna vyklikała milicyju. Suma pryčynienaj joj škody skłała bolš za 820 rubloŭ.
U dačynieńni da niesumlennaha kvataranta była zaviedziena kryminalnaja sprava. Vinu jon całkam pryznaŭ, u zroblenym raskajaŭsia.
— Abvinavačany pracavaŭ roznarabočym pa dahavory padradu ŭ pryvatnaj kampanii, raniej siem razoŭ pryciahvaŭsia da kryminalnaj adkaznaści, — raspavioŭ namieśnik prakurora Maskoŭskaha rajona Piotr Antonik. — Sud pryznaŭ jaho vinavatym u prysvajeńni majomaści asobaj, jakoj jano było daručana, učynienym paŭtorna, i na padstavie č. 2 art. 211 KK, prysudziŭ try hady kałonii strohaha režymu, sa štrafam 50 bazavych vieličyń (2 100 rubloŭ). Akramia taho, jon pavinien prajści prymusovaje lačeńnie ad chraničnaha ałkahalizmu.
Ciapier čytajuć
Stała viadoma, jak zatrymali byłoha kalinoŭca Maksima Ralko5
Kamientary