39-гадовы мужчына на дзесяць сутак зняў кватэру ў адным з дамоў на праспекце Газеты «Праўда», але аддаў гаспадыні толькі частку сумы.
Калі ў яго не аказалася грошай для далейшай аплаты арэнды, мужчына нічога лепшага не прыдумаў, як закласці ў ламбард маёмасць гаспадыні — тэлевізар, фен, маршрутызатар і мікрахвалёўку, пішуць «Мінск-навіны».
Паколькі кватарант пастаянна пераносіў тэрміны аплаты, гаспадыня западозрыла нешта нядобрае і прыйшла ў яго адсутнасць у кватэру. Не выявіўшы сваёй маёмасці, жанчына выклікала міліцыю. Сума прычыненай ёй шкоды склала больш за 820 рублёў.
У дачыненні да несумленнага кватаранта была заведзена крымінальная справа. Віну ён цалкам прызнаў, у зробленым раскаяўся.
— Абвінавачаны працаваў рознарабочым па дагаворы падраду ў прыватнай кампаніі, раней сем разоў прыцягваўся да крымінальнай адказнасці, — распавёў намеснік пракурора Маскоўскага раёна Пётр Антонік. — Суд прызнаў яго вінаватым у прысваенні маёмасці асобай, якой яно было даручана, учыненым паўторна, і на падставе ч. 2 арт. 211 КК, прысудзіў тры гады калоніі строгага рэжыму, са штрафам 50 базавых велічынь (2 100 рублёў). Акрамя таго, ён павінен прайсці прымусовае лячэнне ад хранічнага алкагалізму.
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў5
Каментары