«Я хачу пераканацца, што Пуцін давядзе справу да канца», — сказаў прэзідэнт ЗША
Прэзідэнт ЗША Дональд Трамп заявіў падчас размовы з журналістамі ў Авальным кабінеце Белага дома, што разлічвае на згоду расійскага прэзідэнта Уладзіміра Пуціна ўкласці ўгоду для спынення вайны ва Украіне, паведамляе Бі-бі-сі.
«Я хачу пераканацца, што ён давядзе справу да канца.Я думаю, ён выканае тое, пра што казаў мне, і выканае сваю частку ўгоды цяпер», — сказаў Трамп.
Са слоў амерыканскага лідара, ён не хацеў бы ўводзіць другасныя мыты на расійскую нафту, але яму давядзецца гэта зрабіць, калі не будзе дасягнуты прагрэс ва ўрэгуляванні ва Украіне.
«Я не хачу ўводзіць другасныя пошліны на яго нафту. Але, думаю, гэта я б зрабіў, калі б лічыў, што ён не спраўляецца з працай. Я зрабіў гэта з Венесуэлай, — сказаў Трамп. — Я хачу, каб ён заключыў угоду, каб забойствы расійскіх і ўкраінскіх жаўнераў спыніліся». Ён таксама пракаментаваў пагадненне з Кіевам аб здабычы карысных выкапняў, якое не было падпісана ў той дзень, калі ў Белым доме адбылася сварка Трампа і віцэ-прэзідэнта ЗША Джэй Дзі Вэнса з украінскім прэзідэнтам Уладзімірам Зяленскім.
«Я яшчэ не гаварыў з імі [з Украінай], але праз вас [журналістаў] я даведаўся, што яны цяпер кажуць: «Я пайду на гэтую ўгоду, толькі калі мы ўступім у NATO» — ці нешта ў гэтым родзе. Па-першае, гэта ніколі не абмяркоўвалася. Па-другое, […] задоўга да Пуціна яны [Расія] казалі, што вы не ўступіце ў NATO».
«Магчыма, менавіта праз гэта пачалася вайна», — дадаў Трамп.
Цяпер чытаюць
«Ужо там кароў не засталося!»: былы начальнік Качанавай аплаквае стан эканомікі на Полаччыне25
Каментары