Nazvali hałoŭnych pastaŭščykoŭ kaliju na kitajski rynak. Biełaruś druhaja, ale byvała i pieršaj
Kitaj apublikavaŭ danyja pa imparcie kalijnych uhnajeńniaŭ za studzień-kastryčnik 2024 hoda, piša Myfin.by. Pavodle hetaha rejtynhu ŭvohule Biełaruś na druhim miescy, ale byvali miesiacy, kali vychodziła i na pieršaje.
Pavodle danych kitajskaha boku, u studzieni-kastryčniku hetaha hoda sukupny abjom impartu KNR pa tavarnaj pazicyi «Uhnajeńni minieralnyja abo chimičnyja, kalijnyja» skłaŭ kala $3,13 młrd.
Dla paraŭnańnia: za anałahičny pieryjad 2023 hoda ŭvoz kalijnych uhnajeńniaŭ abyšoŭsia Kitaju ŭ $3,97 młrd.
U biahučym hodzie najbolšy abjom zakupak kaliju (u koštavym vyražeńni) Kitajskaja Narodnaja Respublika zrabiła z Rasii — $1,03 młrd pa vynikach studzienia—kastryčnika.
Biełaruś u śpisie dziaržaŭ, ź jakich Kitaj impartuje kalijnyja ŭhnajeńni, znachodzicca na 2-j pazicyi. Pa vynikach 10 miesiacaŭ 2024 hoda KNR zaviezła biełaruskaha kaliju na sumu $727,1 młn.
Na trecim radku znachodzicca Kanada: impart z paŭnočnaamierykanskaj dziaržavy skłaŭ $604,2 młn.
U studzieni-kastryčniku 2024 hoda ŭ top-5 pastaŭščykoŭ kalijnych uhnajeńniaŭ na kitajski rynak taksama ŭvajšli Łaos ($466,7 młn) i Izrail ($160,5 młn).
Bolš detalovaje vyvučeńnie statystyki pakazała, što ŭ asobnyja miesiacy Respublika Biełaruś zajmała ŭ śpisie pastaŭščykoŭ kaliju ŭ KNR i pieršaje miesca.
Naprykład, u mai 2024 hoda impart kaliju ŭ Kitaj z našaj krainy skłaŭ $100,4 młn, z Rasii — $73,4 młn, z Łaosa — $68,6 młn, z Kanady — $53,9 młn. U červieni Kitaj taksama zapłaciŭ bolš za ŭsio za impart biełaruskich kalijnych uhnajeńniaŭ.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie26
Kamientary