«Araby mohuć być u šoku, ale trend jość trend»: biełarusam prapanoŭvajuć dubajskija bułki da Vialikadnia
Zdavałasia b, varjactva z dubajskim šakaładam u Biełarusi skončyłasia. Ale ž nie: trend znajšoŭ svoj praciah u vielikodnych pačastunkach. Pahladzieli, što prapanujuć biełaruskija kandytary i kolki prosiać za modnyja bułki, paschi dy jajki.
U Rasii kulinary pačali rekłamavać dubajskija bułki jašče niekalki tydniaŭ tamu. Nie dziŭna, što moda na trendavyja pačastunki dajšła i da Biełarusi. Praŭda, bolšaść kandytarskich jašče nie pakazała svoj vielikodny asartymient.
Zatoje indyvidualnyja kandytary ŭžo aktyŭna vykładajuć svaje pracy na «Kufary». Bułki, «z tym samym načyńniem, jakoje nikoha nie pakinie abyjakavym» rekłamuje kandytarka ź Minsku. Za dubajskuju bułku vahaj 450-500 hram jana prosić 45 rubloŭ.
U rehijonach pra trend taksama čuli: naprykład, kandytarka z Homiela vyrablaje šakaładnyja bułki z dubajskaj načynkaj pa canie ad 30 da 60 rubloŭ.
Kandytarka z Mahilova prapanoŭvaje nabyć šakaładnyja jajki z dubajskaj načynkaj. Adno takoje jajka pradajecca za 18 rubloŭ, nabor z troch jajek — za 40.
U instahramie taksama možna adšukać anałahičnyja prapanovy. Tak, staličnaja kandytarka prymaje zamovy na dubajskija bułki i dubajskija tvarožnyja paschi. Bułka kaštuje 50 rubloŭ, pascha — ad 65 da 80 rubloŭ.
Ale vyhladaje, što nie ŭsie pakupniki radyja takoj navincy. Bo ŭ adnym z ryłs žančyna byccam by apraŭdvajecca: «Z kožnym dniom usio dalej ad Boha! Tak dumajuć niekatoryja ludzi z nahody dubajskaj bułki, a niekatoryja ŭ zachapleńni i žadajuć chutčej jaho pakaštavać. Ja dumaju, što nabližeńnie da Boha nie mierajecca bułkami. Viadoma, araby mohuć być u šoku, ale trend jość trend. Popyt sparadžaje prapanovu».
Biełaruskija vielikodnyja tradycyi ŭ pytańniach i adkazach
Biełarusy pradajuć u internecie šałupińnie cybuli da Vialikadnia. Kolki prosiać?
Prafiesar raskazaŭ, kolki jajek možna źjeści na Vialikdzień i jak doŭha možna trymać varanyja jajki na stale
Jak pryhoža, ale ekałahična krasić jajki da Vialikadnia
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ9
Kamientary
[Zredahavana]