Novy trend tyktoka: pracirać tvar bananavaj skurkaj. Heta sapraŭdy pracuje?

Pračnucca a čaćviortaj ranicy, zakleić rot stužkaj, akunuć tvar u ledzianuju vadu — i… pracirać tvar bananavaj skurkaj. Mienavita tak vyhladaje ranica adnaho ź fitnes-influjensieraŭ TikTok Aštana Choła (Ashton Hall), videa jakoha nabrała amal 30 miljonaŭ prahladaŭ. I jon nie adziny, chto rekłamuje taki sposab dahladu za skuraj.

Pavialičyć

Ciapier u tyktoku pad chešteham #bananabotox užo tysiačy videa, miljony prahladaŭ i zachaplalnyja kamientary ab karyści «skarbu z bananavaj skurki» i rekłama jaje jak «naturalnaha botaksu».

Prychilniki bananavaj skurki śćviardžajuć, što jana zmahajecca z marščynami, vyraŭnoŭvaje ton skury, pamianšaje pačyrvanieńni i nadaje efiekt «śviežaści».

Recept prosty: uziać śviežy banan, źjeści miakać, a ŭnutranaj častkaj skurki pracirać tvar kruhavymi ruchami. Pakinuć na 15 chvilin, zmyć chałodnaj vadoj, nanieści krem.

Niekatoryja rajać vybirać «starejšyja», navat ciomnyja banany — maŭlaŭ, u ich skurka miakčejšaja i akaža lepšy efiekt.

@selinadasilvaa I've heard so much about banana peels and their natural Botox effect for the skin my skin really feels smooth & firm after rubbing the peels on my skin! I will continue doing this for some weeks & look if I see some changes ✨but I honestly like the feeling afterwards #homeremedy #glassskin #skintok #diy #fyp #skincaretips #wrinkles #facelifting #skincare ♬ original sound - Artemas fan

Što kažuć ekśpierty?

Dermatołahi pryznajuć: bananavaja skura sapraŭdy ŭtrymlivaje vitaminy A, D, Je, antyaksidanty (takija jak askarbinavaja kisłata i lutein), a taksama kruchmał i lecycin, jakija mohuć uvilhatniać skuru i akazvać lohki supraćzapalenčy i ačyščalny efiekt.

Adnak dadajuć: hety efiekt — karotkaterminovy, i čakać hłybokaha amaładžeńnia ci źniknieńnia marščyn nie vypadaje. Karysnyja rečyvy sa skurki banana nie pranikajuć hłyboka ŭ skuru, tamu efiekt budzie paviarchoŭny i niedaŭhaviečny.

Kaśmietołahi nahadvajuć: bananavaja skurka — heta nie kaśmietyčny pradukt. Pry kantakcie z pavietram na joj mohuć chutka raźvivacca bakteryi. Tamu važna vykarystoŭvać tolki śviežuju skurku i nanosić jaje na čystuju skuru.

Pry najaŭnaści aknie, paškodžanaj abo vielmi adčuvalnaj skury taki ekśpierymient moža vyklikać razdražnieńnie abo navat pahoršyć stan. Taksama varta ŭličvać mahčymaść indyvidualnaj reakcyi — pierad užyvańniem pažadana pravieryć srodak na nievialikim učastku skury.

@binitaregmi60 Apply banana peel as natural botox #tiktok #beauty #skincare #viral #trending #glowingskin #clearskin #pigmentation #banana ♬ original sound - binita

Na pytańnie, ci moža banan zamianić botaks, dermatołahi adnaznačna adkazvajuć: nie. Botaks pracuje na myšačnym uzroŭni, błakujučy pieradaču impulsaŭ, jakija vyklikajuć marščyny. A bananavaja skura dziejničaje vyklučna na pavierchni skury — jak lohki naturalny tonik.

Banany karysnyja dla zdaroŭja skury znutry: utrymlivajuć vitaminy, mikraelemienty i klatčatku, jakaja padtrymlivaje pracu straŭnika i ahulny tonus arhanizmu. Heta ŭpłyvaje na koler tvaru i ahulny stan skury.

• 6
• 0
• 3
• 5
• 2
• 0
• 1
• 0