Dźvium minčankam inkryminavali zdradu dziaržavie za praviadzieńnie sacyjałahičnaha apytańnia biez dazvołu
Śledčy kamitet paviedamiŭ pra zakančeńnie rasśledavańnia pa kryminalnaj spravie ab «zdradzie dziaržavie». Abvinavačanyja, jak śćviardžajecca, «na škodu nacyjanalnaj biaśpiecy pieradavali fondam i niekamiercyjnym arhanizacyjam, jakija dziejničali pad patranažam śpiecyjalnych słužbaŭ zamiežnych dziaržaŭ, materyjały ab stanie spraŭ u roznych śfierach žyćcia Respubliki Biełaruś».
Siarod abvinavačanych — 42-hadovy žychar Minska, jaki za hrošy nibyta padrychtavaŭ daśledavańnie z «zahadzia iłžyvymi źviestkami» pra palityku ŭładaŭ u dačynieńni da baraćby z karanavirusam. Jon nibyta pravioŭ sacyjałahičny analiz praz svaju kampaniju, jakaja nie mieła adpaviednaj akredytacyi.
Mužčynu zakidajecca, što faktyčna jon, maŭlaŭ, analityčnaj pracy nie pravodziŭ, a
«na padstavie asobnych źviestak, raźmieščanych u adkrytych krynicach, padrychtavaŭ anhažavanyja i adpaviednyja zapytam «zakazčyka» vyniki, dla nastupnaha ich vykarystańnia na škodu nacyjanalnaj biaśpieki i intaresam dziaržavy».
Padobnyja zakidy skiravanyja i 37-hadovaj dy 43-hadovaj minčankam, jakija
«za ŭznaharodžańnie pravodzili sacyjałahičnaje daśledavańnie, jakoje tyčycca nibyta najaŭnaści pieravah siarod hramadzian u raźvićci krainy z dapamohaj intehracyi z krainami Jeŭrapiejskaha Sajuza».
Arhanizacyja hetych žančyn taksama nie mieła akredytacyi ad adpaviednaj kamisii NANB.
«Z metaj dasiahnieńnia žadanaha vyniku žycharki stalicy vykarystoŭvali dla praviadzieńnia daśledavańniaŭ fokus-hrupy ź liku asob, jakija majuć, jak praviła, zahadzia niehatyŭnaje staŭleńnie da najaŭnaj u dziaržavie palityčnaj sistemy i kanstytucyjnaha ładu. Hetyja materyjały paśla raźmiaščalisia ŭ sietcy Internet i vykarystoŭvalisia niedružalubnymi krainami dla pryčynieńnia škody Respublicy Biełaruś».
Abvinavačanamu mužčynu, aprača taho, zakidajecca «raspracoŭka i ŭkaranieńnie złačynnaj schiemy padmieny pracoŭnych adnosin» dziela taho, kab płacić mienš hrošaj u jakaści sacyjalnych vypłat. U vyniku, jak śćviardžajuć śledčyja, dziaržavie była naniesienaja škoda ŭ sumie bolš za 186 tysiač biełaruskich rubloŭ, jakaja ciapier «pakrytaja ŭ poŭnym pamiery».
Dziejańni abvinavačanych kvalifikavanyja pa č.1 art. 356 (zdrada dziaržavie) i č. 2 art. 243-3 (uchileńnie ad vypłaty strachavych uznosaŭ, što paciahnuła pryčynieńnie škody ŭ asabliva bujnym pamiery) Kryminalnaha kodeksa Respubliki Biełaruś, usie jany znachodziacca pad vartaj.
Kryminalnaja sprava pieradadziena prakuroru dla nakiravańnia ŭ sud.
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary
========================
Vnimanije, a tiepieŕ vopros na łohiku v obłasti prava - jeśli hraždanki pieriedavali inostrannym fondam zaviedomo łožnyje śviedienija, to v čiom zdieś iźmiena hosudarstvu? Tut nahraždať nado, a nie sudiť. Maksimum čto tut možno vmieniť, eto mošieńničiestvo. Nu ili na chudoj koniec diskrieditacija. Čitaješ NN i ponimaješ, čto u etoho sasuta niet dna, eto dno probivajut každyj dień snova i snova. Zazierkalje. Bieź lustracii tut nie obojtiś, v Novoj Biełarusi nie dołžno byť na słužbie ludiej, kotoryje striapali takije lipovyje dieła s takimi ohromnymi srokami. Sudiejskij apparat tuda žie.