Źmienieny paradak zdačy ispytu na pravy kiroŭcy

Źmieny ŭ adpaviednuju instrukcyju tyčacca paradku zdačy praktyčnaha ekzamiena.

Naprykład, prybirajucca takija paniaćci, jak pieršy (na aŭtadromie) i druhi (va ŭmovach realnaha darožnaha ruchu) etapy praktyčnaha ekzamienu. Ciapier abodva pracesy stanoviacca nibyta raŭnapraŭnymi i ŭ tekście vyznačajucca prosta jak «zdača praktyčnaha ekzamienu na aŭtadromie» i «zdača praktyčnaha ekzamienu ŭ umovach realnaha darožnaha ruchu ŭ nasielenym punkcie».

Ustanoŭlena, što praktyčny ekzamien na katehoryju «B» prymajecca na aŭtadromie i va ŭmovach realnaha darožnaha ruchu ŭ nasielenym punkcie, kali nie ŭstanoŭlena inšaje (hladzi praz abzac nižej).

Praktyčny ekzamien na katehoryju «S» prymajecca na aŭtadromie i va ŭmovach realnaha darožnaha ruchu ŭ nasielenym punkcie. Pry najaŭnaści pravoŭ na katehoryju «B» ekzamienujemy dapuskajecca da zdačy praktyčnaha ekzamienu na katehoryju «S» tolki va ŭmovach realnaha darožnaha ruchu ŭ nasielenym punkcie.

Paśla zdačy praktyčnaha ekzamienu na katehoryju «C» albo pry najaŭnaści pravoŭ na katehoryju «S» ekzamienujemy dapuskajecca da zdačy praktyčnaha ekzamienu na katehoryju «B» tolki ŭ umovach realnaha darožnaha ruchu ŭ nasielenym punkcie.

Udakładniena, što praktyčnyja ekzamieny na katehoryi «B» i «C», jakija prymajucca adnačasova, zdajucca na vučebnych aŭtamabilach katehoryj «B» i «C» (na aŭtadromie — na aŭto katehoryi «B», va ŭmovach realnaha darožnaha ruchu ŭ nasielenym punkcie — na aŭto katehoryi «C» abo naadvarot).

Praktyčny ekzamien na katehoryju «D» prymajecca tolki va ŭmovach realnaha darožnaha ruchu ŭ nasielenym punkcie.

Praktyčny ekzamien na katehoryi «VIE», «SIE» i «DE» prymajecca tolki na aŭtadromie.

Praktyčny ekzamien paśla zakančeńnia terminu pazbaŭleńnia, kali pa zakonie patrabujecca zdača praktyčnaha ekzamienu, prymajecca va ŭmovach realnaha darožnaha ruchu ŭ nasielenym punkcie na vučebnym aŭtamabili katehoryi «B».

U vypadku, kali ŭ pravach pazbaŭlenaj asoby adsutničaje katehoryja «B», a majecca katehoryja «C», praktyčny ekzamien prymajecca va ŭmovach realnaha darožnaha ruchu ŭ nasielenym punkcie na vučebnym aŭtamabili katehoryi «C».

U vypadku, kali ŭ pravach pazbaŭlenaha asoby adsutničajuć katehoryi «B» i «C», a majecca katehoryja «A» abo padkatehoryja «A1», praktyčny ekzamien prymajecca na matacykle katehoryi «A» abo padkatehoryi «A1».

Ustanoŭlena, što dla vyznačeńnia navykaŭ kiravańnia transpartnymi srodkami katehoryj «B», «C», sastavami transpartnych srodkaŭ katehoryj «VIE», «SIE» i «DE» na aŭtadromie ekzamienujemym vykonvajucca try z ukazanych u instrukcyi elemientaŭ aŭtadroma, vyznačanyja ekzamienataram. Raniej treba było vykanać tolki dva elemienty.

Taksama źmieniena apisańnie pieršaha ź pieraličanych elemientaŭ — pieraadoleńnia padjomu (estakady). Tak, udakładniena, što jon vykonvajecca na vučebnym aŭtamabili ź miechaničnaj tranśmisijaj bieź sistemy dapamohi vadzicielu pry ruchu na padjomie (za vyklučeńniem sučlenienych aŭtobusaŭ i aŭtamabilaŭ z paŭpryčepami).

Narešcie, vyznačana, što dla vyznačeńnia navykaŭ kiravańnia transpartnymi srodkami katehoryj «B», «C» i «D» va ŭmovach realnaha darožnaha ruchu ŭ nasielenym punkcie abaviazkovymi elemientami źjaŭlajucca:

— prajezd pa darozie, jakaja maje dźvie i bolš paasy dla ruchu ŭ adnym napramku (pry ich najaŭnaści) z maksimalna dazvolenaj chutkaściu, a taksama z vykanańniem biaśpiečnaj dystancyi i intervałaŭ;

— vykanańnie nie mienš adnaho razvarotu na nierehulavanym skryžavańni;

— vykanańnie nie mienš adnaho levaha pavarotu na skryžavańni.

Raniej u śpisie było bolš elemientaŭ, a mienavita:

— prajezd rehulavanych i nierehulavanych skryžavańniaŭ;

— vykanańnie dvuch levych pavarotaŭ na skryžavańni;

— prajezd pa darozie, jakaja maje dźvie i bolš pałosy dla ruchu ŭ adnym napramku (pry ich najaŭnaści);

— prajezd skryžavańnia pa darozie, jakaja pierasiakajecca hałoŭnaj darohaj;

— pierastrajeńnie na ŭčastku darohi, jakaja maje dźvie abo bolš pałasy ruchu ŭ adnym napramku;

— prajezd piešachodnych pierachodaŭ i prypynačnych punktaŭ maršrutnych transpartnych srodkaŭ;

— ruch u transpartnym patoku z vykanańniem biaśpiečnaj dystancyi i intervałaŭ;

— vykanańnie dvuch razvarotaŭ (adnaho na skryžavańni, adnaho pa-za miežami skryžavańnia);

— spynieńnie transpartnaha srodku dla metaŭ pasadki (vysadki) pasažyraŭ;

— umieńnie pravilna aceńvać darožnuju abstanoŭku.

• 0
• 0
• 1
• 1
• 0
• 0
• 0
• 0