Jahor Kryd śćviardžaje, što jamu nie dazvalajuć vystupić u Minsku
Ułady Biełarusi nie dazvalajuć rasijskamu vykanaŭcu Jahoru Krydu vystupać na terytoryi krainy. Pra heta jon raspavioŭ hledačam svajho strymu na Twitch.
Repier adznačyŭ, što zaŭvažyŭ u tyktoku rolik svajoj prychilnicy, jakaja skardziłasia na toje, što muzykant abiacaŭ pryjechać u Biełaruś, ale nie strymaŭ słova.
«U nas byŭ zapłanavany vialiki kancert u Minsku. Arena na 30 tys. čałaviek (rekanstrujavany futbolny stadyjon «Dynama» źmiaščaje krychu bolš za 20 tysiač, novapabudavany Nacyjanalny stadyjon na Vaniejeva pavinien źmiaščać 33 tysiačy, ale jaho adkryćcio pakul adkładziena. — NN). Prosta zaraz my nie viedajem, čamu i ź jakich pryčyn nam nie dazvalajuć pravieści kancert na terytoryi Biełarusi», — raspavioŭ artyst.
«Ja tak razumieju, heta [zabarona] na niejkim dziaržaŭnym uzroŭni, nam prosta nie dajuć vystupić», — adznačyŭ Kryd.
Apošni raz repier vystupaŭ u Minsku ŭ 2019 hodzie. Tady jon sabraŭ «Minsk-Arenu», raźličanuju na bolš čym 15 tys. hledačoŭ.
Stała viadoma, jak zatrymali byłoha kalinoŭca Maksima Ralko2
Kamientary