Alimpijskaja čempijonka Nadzieja Skardzina raskazała partału «Točka» pra svajo žyćcio ŭ Šviejcaryi.
«My ciapier žyviem pamiž hor. I viedajecie, pa čamu ja bolš za ŭsio sumuju? Pa prastorach. Voś kali jedzieš pa Biełarusi – i nad taboj biaźmiežnaje nieba. Takaja ž nastalhija pa rodnym Siestrarecku i Finskim zalivie, kali nieba i jašče mora. Prosta serca ściskajecca ad taho, što dobra», — pryznałasia Skardzina.
U Šviejcaryi spartsmienka žyvie z mužam — taksama bijatłanistam i miascovym łyžnikam Marcinym Jehieram – i dvuma dziećmi.
Siamja alimpijskaj čempijonki žyvie ŭ nievialikim pasiołku blizu šviejcarskaha Sankt-Halena. Hałoŭnyja zaniatki ŭ volny čas — pachody ŭ hory i sport.
Pracuje Skardzina dziciačaj trenierkaj. Adna z prablem, ź jakoj joj daviałosia sutyknucca: karotki apłačvany dekretny adpačynak. Jon u Šviejcaryi doŭžycca tolki try z pałovaj miesiacy, a dalej — pa rašeńni najmalnika. Na dva tydni moža pajści ŭ adpačynak baćka dziciaci. Siamji dapamahali babula i dziadula Marcina.
Niamieckuju movu spartsmienka ŭžo viedaje na ŭzrovień V1, chacia pačynała svajo žyćcio ŭ novaj krainie z bazavaha A1.
«Tut šmat dyjalektaŭ. Voś muž, naprykład, razmaŭlaje na šviejcarskim varyjancie niamieckaj movy. Pacichu treba vučyć i hety dyjalekt, kab lepš razumieć adzin adnaho», — śmiajecca Nadzieja.
Ź vialikaha sportu Skardzina, jakaja maje ŭ svajoj skarboncy alimpijskija zołata i bronzu, syšła ŭ 2018 hodzie. Praz hod jana naradziła pieršaha syna Daniiła, paźniej — małodšaha syna Rafaela.
U kastryčniku 2020 hoda Skardzina stała 1000-j padpisantkaj adkrytaha lista spartsmienaŭ za sumlennyja vybary. Jana taksama vielmi emacyjanalna adreahavała na zatrymańnie Mikity Domračava — rodnaha brata svajoj siabroŭki i byłoj partniorki pa kamandzie Darji.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie26
Kamientary