«Nie spaŭ bolš za 12 hadzin». Vinoŭniku DTZ z čatyrma zahinułymi ŭ Lidskim rajonie vystavili abvinavačvańnie
Hałoŭnym śledčym upraŭleńniem Śledčaha kamiteta ŭstanoŭleny abstaviny DTZ, u jakim zahinuli 4 čałavieki, paviedamlaje pres-słužba SK.
23 listapada 62-hadovy kiroŭca Opel ruchaŭsia pa aŭtadarozie M-6 u napramku Hrodna. Pryblizna a 15-j hadzinie kala vioski Biskupcy Lidskaha rajona mužčyna zasnuŭ za rulom i najechaŭ na darožnuju aharodžu, paśla čaho mašyna źjechała ŭ kiuviet i pierakuliłasia.
Na momant avaryi ŭ aŭtamabili znachodzilisia 6 čałaviek, dvoje ź jakich — dzieci. Ad atrymanych traŭmaŭ čatyry pasažyry (7, 17, 55 i 68 hadoŭ) zahinuli na miescy. Kiroŭca i 51-hadovy mužčyna dastaŭleny ŭ balnicu. Na dadzieny momant ich žyćciu i zdaroŭju ničoha nie pahražaje.
Pavodle vynikaŭ sudova-miedycynskaj ekśpiertyzy, vyžyłamu pasažyru byli pryčynieny ciažkija cialesnyja paškodžańni.
Śledčyja ŭstanavili, što kiroŭca nie spaŭ bolš za 12 hadzin i adčuvaŭ stomlenaść, pra što nieadnarazova kazaŭ svajakam u aŭtamabili. Niahledziačy na heta, jon praciahnuŭ ruch, što i stała fatalnaj pamyłkaj.
Žychar Ščučynskaha rajona pryznaŭ vinu i raskajaŭsia ŭ zroblenym. Jon raskazaŭ, što napiaredadni nočču sustreŭ svajakoŭ ź Viciebskaj vobłaści na čyhunačnym vakzale, paśla čaho jany ŭsie razam pajechali ŭ Smarhoń, dzie ŭ vajskovaj častcy ŭ plamieńnika jahonaj žonki była ŭračystaja prysiaha. Užo na zvarotnym šlachu mužčyna adčuŭ stomlenaść, adnak nie spyniŭsia, što i stała pryčynaj avaryi — jon zasnuŭ za rulom.
Pa vynikach rasśledavańnia mužčynu pradjaŭlena abvinavačańnie pa č. 3 art. 317 (parušeńnie praviłaŭ darožnaha ruchu, što pa nieaściarožnaści paciahnuła śmierć dvuch i bolš asob, a taksama pryčynieńnie ciažkich cialesnych paškodžańniaŭ), što karajecca terminam ad troch da siami hadoŭ.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie26
Kamientary