U Homieli chłopiec abchitryŭ telefonnych machlaroŭ, ale sam staŭ fihurantam kryminalnaj spravy i sieŭ u kałoniju
19-hadovy hamialčuk znajšoŭ pracu kurjera ŭ telefonnych machlaroŭ. Na pieršym zadańni jon zabraŭ u piensijanierki 9500 rubloŭ i pavinien byŭ zarabić 200 rubloŭ.
Machlary raspaviali 85-hadovaj piensijaniercy, što jaje ŭnučka, jakaja žyvie ŭ Rasii, trapiła ŭ DTZ, i patrebnyja hrošy dla kampiensacyi škody. U jaje sapraŭdy jość unučka ŭ Rasii, tamu žančyna sabrała ŭsie źbieražeńni ŭ rublach i valucie — atrymałasia 9500 rubloŭ, piša belkagomel.by.
Kurjer pavinien byŭ pieradać hetuju sumu telefonnym machlaram, ale vyrašyŭ nie dzialicca i pakinuŭ jaje sabie.
Ale ŭžo praz šeść hadzin jaho zatrymali. Da hetaha času ŭ maładoha čałavieka zastałosia krychu bolš za tracinu ad usioj sumy. Jon patraciŭ hrošy na dva ajfony, partatyŭnuju kałonku i adzieńnie.
U dačynieńni da zatrymanaha zaviali kryminalnuju spravu. Ab prysudzie suda raspaviała pamočnica prakurora Homiela Alena Jemialjanovič.
— Dziejańni maładoha čałavieka kvalifikavany jak machlarstva, ździejśnienaje hrupaj asob u bujnym pamiery.
Sud pryhavaryŭ jaho da troch hadoŭ pazbaŭleńnia voli z adbyvańniem u vypraŭlenčaj kałonii ŭzmocnienaha režymu.
Taksama jamu daviadziecca viarnuć paciarpiełaj 6500 rubloŭ i kampiensavać maralnuju škodu ŭ pamiery 4000 rubloŭ.
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie26
Kamientary