Сталі вядомыя важныя ўмовы для мірнага пагаднення паміж Расіяй і Украінай
Сёння ў Эр-Рыядзе прайшлі перамовы паміж Расіяй і ЗША. Бакі дамовіліся на стварэнне працоўных груп па вайне ва Украіне і далейшае супрацоўніцтва.
РФ і ЗША прапануюць трохступенны мірны план, які ўключае спыненне агню, выбары ва Украіне, а затым падпісанне канчатковага мірнага пагаднення, паведамляе Fox News па спасылкай на крыніцы.
Па інфармацыі выдання, Трамп і Пуцін лічаць шанцы на перавыбранне Зяленскага нізкімі. Па словах кіраўніка расійскага МЗС Сяргея Лаўрова, інфармацыя пра «трохступенны мірны план» — фэйк.
Акрамя таго, дзяржсакратар ЗША Марка Рубіа заявіў, што Расія і ЗША дамовіліся аднавіць ранейшую колькасць штата амбасадаў у Маскве і Вашынгтоне, піша Associated Press.
Пазней прэс-служба Белага дома паведаміла, што ўдзельнікі сустрэчы дамовіліся аб далейшым супрацоўніцтве, стварэнні працоўных груп па спыненні вайны і стварэнні механізма для будучых кансультацый.
«Аднаго тэлефоннага званка, за якім ідзе адна сустрэча, недастаткова для ўстанаўлення трывалага міру. Мы павінны дзейнічаць, і сёння мы зрабілі важны крок наперад», — сказана ў заяве.
Перамовы Расіі і ЗША пачаліся раніцай 18 лютага. Прадстаўнікоў Украіны на іх не было. Амерыканскі бок прадстаўлялі дзяржсакратар Марка Рубіа, саветнік па нацбяспецы Майк Уолтц і спецпасланнік па пытаннях Блізкага Усходу Стыў Уіткаф.
Ад Расіі прысутнічалі кіраўнік МЗС Сяргей Лаўроў, знешнепалітычны саветнік Пуціна Юрый Ушакоў і кіраўнік Расійскага фонду прамых інвестыцый Кірыл Дзмітрыеў.
-
За нібыта хаатычнай стратэгіяй Трампа стаіць хітры разлік. Вось чым гэта пагражае іншым народам
-
Эстонскі кінолаг расказаў, як яго сабака шукаў зніклага амерыканскага салдата на палігоне ў Падброддзі і выдатна справіўся
-
Першыя масавыя пратэсты ў ЗША пасля вяртання Трампа ў Белы дом. Сам ён гуляе ў гольф
Цяпер чытаюць
«Ужо там кароў не засталося!»: былы начальнік Качанавай аплаквае стан эканомікі на Полаччыне19
Каментары