Конкурс па продажы знакамітага рынку «Малінаўка» пад Мінскам, які павінен быў адбыцца 18 сакавіка, адмянілі. Як паведамілі Office Life у ЗАТ «Белрэалізацыя», далейшае рашэнне пра лёс аб'екта цяпер трэба будзе прыняць уласнікам.
На конкурсных таргах прадаваўся не сам рынак, а 100% доля ў статутным фондзе ТАА «Грузавая служба — Усход» (ГСУ), якое ім валодае. За кошт продажу планавалася пагасіць запазычанасць гэтай арганізацыі перад банкамі. Стартавая цана складала каля 29,5 мільёна рублёў.
Арганізатары конкурсу паведамілі, што адна заяўка на ўдзел у ім паступіла. Але да заканчэння патрабаванага тэрміну патэнцыйны ўдзельнік не пералічыў задатак, які складаў каля 1,1 мільёна рублёў. Хутчэй за ўсё, цяпер конкурс пройдзе паўторна, магчыма, з паніжэннем цаны.
Здзелка чакаецца даволі складанай, паколькі з ёй разам ідуць яшчэ дзве здзелкі, звязаныя з банкамі — крэдыторамі ГСУ — Сбер Банкам і Белаграпрамбанкам.
Да 2023 года найбуйнейшы аўтарынак у краіне належаў ЗАТ «Гандлёвы свет — Кальцо» бізнэсмена Юрыя Авяр'янава, якое было ліквідавана па рашэнні суда з-за даўгоў.
Цяпер чытаюць
«Ужо там кароў не засталося!»: былы начальнік Качанавай аплаквае стан эканомікі на Полаччыне9
Каментары