У міліцыю звярнуліся ўладальнікі некалькіх лецішчаў аднаго з садовых таварыстваў, на якіх адбываліся пажары. На папялішчы гаспадары заўважалі знікненне ровара, інструментаў і рознага інвентару.
Фота: прэс-служба МУС
Аператыўнікі ўстанавілі асобу і затрымалі зламысніка, паведамляе прэс-служба МУС.
Ім аказаўся 36-гадовы жыхар Гомеля і адначасова сусед па лецішчы. Мужчына ўзломваў замкі, пранікаў у чужыя дамы, забіраў усё больш-менш каштоўнае, а затым замятаў сляды шляхам падпалу.
Агульная шкода склала дзясяткі тысяч рублёў. Частка скрадзенага канфіскавана і будзе вернута ўладальнікам.
Следчымі заведзена крымінальная справа за крадзеж і наўмыснае знішчэнне або пашкоджанне маёмасці.
Цяпер чытаюць
Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы1
Каментары