Амаль палова шматдзетных мінчукоў-чаргавікоў адмовіліся ад жылля. Чаму?
Пабудаваць на льготных умовах кватэру або дом тыя, хто ў чарзе, могуць максімум за 5 гадоў. Але многія адмаўляюцца ад гэтага.
— За апошнія 5 гадоў чаргавікоў стала менш на 12%, або на 80 тысяч, гэта значыць фактычна знятая з чаргі цэлая Мінская вобласць, у якой сёння 82 тысячы сем'яў, якія жадаюць палепшыць жыллёвыя ўмовы. Практыка паказвае: тыя, хто сапраўды мае намер пабудаваць кватэру або дом, вырашаюць пытанне за год-два, максімум 5 гадоў, — сказала намесніца начальніка аддзела юрыдычнай працы і кадраў Міністэрства жыллёва-камунальнай гаспадаркі Надзея Якушова, цытуе яе БелТА.
Шматдзетныя атрымліваюць запрашэнне на будаўніцтва ў раённых цэнтрах ледзь не з моманту нараджэння трэцяга дзіцяці, у Мінску — на працягу года. Але летась з 3,5 тысячы шматдзетных мінчукоў-чаргавікоў амаль палова адмовіліся ад дамоў долевага будаўніцтва. Першая прычына: маюць ва ўласнасці жыллё, і каб набыць новае, трэба істотную суму даплочваць. Напрыклад, ёсць двушка 50 квадратаў. Калі хочуць пабудаваць 100-метровую чатырохпакаёвую, то льготны крэдыт і субсідыю атрымаюць толькі на 50 квадратаў — за вылікам наяўнай жылплошчы.
Другая прычына — чакаюць пачатку будаўніцтва ў іншых месцах.
Акрамя таго, у Мінску ўсё менш шматдзетных сем'яў становяцца на ўлік. Іх за год становіцца больш на 600-800, а раней штогод дадавалася звыш 1000.
Цяпер чытаюць
Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы4
Каментары
https://d6wloh00m6m2w.cloudfront.net/363996