Па сацсетках гуляе фота «аголенай Святланы Ціханоўскай». Разабраліся, адкуль пайшоў гэты фэйк
Хто з прапагандыстаў укінуў «пікантны» здымак у інфармацыйную прастору?
Апошнімі днямі фота «Ціханоўскай у купальніку» сталі выстаўляць памыйныя пралукашэнкаўскія тэлеграм-каналы. Здымак падхапілі фэйсбук-акаўнты, прысвечаныя крытыцы Офіса Святланы Ціханоўскай і іншых дэмакратычных структураў.
Якая крыніца гэтага фота?
Калі скарыстацца зваротным пошукам па выявах, то высветліцца, што фота гуляе па розных расійскіх рэсурсах каля 15 гадоў па запытах накшталт «дзяўчына на фоне дывана».
Першая вядомая нам згадка фота з подпісам пра Ціханоўскую — гэта артыкул у «Мінскай праўдзе», які напісала прапагандыстка Дзіяна Шыбкоўская. Легенда артыкула такая:
«Святлана Ціханоўская была эскортніцай і выйшла замуж за Сяргея Ціханоўскага, які быў крымінальнікам і сутэнёрам». З улікам адсутнасці фактуры ў артыкуле навіна нагадвае эратычныя фантазіі самой прапагандысткі, а не спробу разабрацца ў мінулым сям'і Ціханоўскіх.
Ці Святлана Ціханоўская на фота?
Не, гэта не Святлана Ціханоўская. Параўнайце фота маладой Святланы і гэтай дзяўчыны.
Гэта ж пацвярджаюць і нейрасеткі, якія параўноўваюць, наколькі падобныя людзі на фота.
А хто на фота?
На фота жанчына з Масквы. Яе клічуць Галіна і ёй 40 гадоў. Раней яна займалася манікюрам, а цяпер вучыць прадаваць на Wildberries. У Галіны муж і дзіця.
Такім чынам, фота — чарговы фэйк прапаганды.
«Наша Нiва» — бастыён беларушчыны
ПАДТРЫМАЦЬПрапагандысты прыдумалі фэйк пра назіральнікаў на выбарах і «Вясну» — і самі ж яго выкрылі
«Мы наўмысна дадалі шэраг «пасхалак». Фэйкавы пашпарт «Новай Беларусі» ад КДБ пракаментаваў спецыяліст, які над ім працуе
Пад выглядам беларусаў літоўцам пагражаюць «вярнуць Вільню» і «прыйсці да жонкі і дзяцей». Але гэта фэйкавыя акаўнты
Цяпер чытаюць
Чаму ў пачатку 20 стагоддзя эстонцы, літоўцы і латышы стварылі дзяржаву, а беларусы — не? Адказвае Церашковіч9
Каментары