У Віцебску медработнікі знішчылі 6 тысяч вакцын ад кавіду — шкода склала 120 тысяч рублёў
У выніку двум супрацоўніцам паліклінікі выставалі абвінавачанне ў перавышэнні службовых паўнамоцтваў з асабістай зацікаўленасці, яшчэ траім — у пасобніцтве, паведаміла Генпракуратура.
Падрабязнасці паведамілі ў прэс-службе Генеральнай пракуратуры: «Устаноўлена, што дзве абвінавачаныя — намеснік загадчыка і старшая медыцынская сястра ўстановы аховы здароўя — перавышаючы свае службовыя паўнамоцтвы, далі незаконныя распараджэнні тром падпарадкаваным ім медсёстрам знішчыць рэшткі вакцыны супраць кавіду, тэрмін прыдатнасці якой яшчэ не скончыўся. Пры гэтым яны даручылі ўнесці змены ва ўліковую і справаздачную дакументацыю аб іх выкарыстанні падчас вакцынацыі».
Паводле інфармацыі ведамства, былі знішчаныя не менш за 6 тысяч доз вакцыны коштам 120 тысяч рублёў. У дачыненні да пяці медработніц распачалі крымінальную справу.
На судовым пасяджэнні абвінавачаныя прызналі віну і раскаяліся ў зробленым. Таксама вядома, што яны кампенсавалі прычыненую шкоду.
Суд прызнаў медработніц вінаватымі. Намесніку загадчыка і старшай медыцынскай сястры прызначана пакаранне ў выглядзе абмежавання волі на тэрмін 3 гады 6 месяцаў без накіравання ва выпраўленчую ўстанову адкрытага тыпу.
Трох медсясцёр суд пакараў абмежаваннем волі на тэрмін 2 гады таксама без накіравання ва выпраўленчую ўстанову адкрытага тыпу.
Цяпер чытаюць
Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы4
Каментары
Работаю в поликлинике, мы тоже уничтожаем, а пишем, что вакцинировали.
А что делать, если заставляют, а народ не хочет.
Каждую неделю медсестра разбивает ампулы и выливает - дурное занятие