Polšča pierahledzić praviły vydačy kart palaka i praanalizuje abjom i sposab padtrymki ŭładalnikaŭ hetaha dakumienta, jakija pierasialajucca ŭ krainu. Heta praduhledžana pryniataj uradam stratehijaj supracoŭnictva z Pałonijaj (emihrantami z Polščy i ich naščadkami) i inšymi palakami za miažoj, piša Most.
U stratehii prapanujecca likvidavać vypadki złoŭžyvańnia pry vydačy kart palaka, pierš za ŭsio falsifikacyi dakumientaŭ ab polskim pachodžańni.
Akramia taho, stratehija patrabuje admianić mahčymaść atrymańnia karty palaka na padstavie aktyŭnaści ŭ polskich arhanizacyjach. Ale faktyčna hety šlach vydačy dakumienta i tak užo začynieny. Zamiest hetaha prapanujecca zrabić upor na viedańnie zajaŭnikam polskaj movy i kultury.
Taksama płanujecca praanalizavać miery padtrymki dla ŭładalnikaŭ kart palaka, jakija pierasialajucca ŭ Polšču.
Akramia taho, miarkujecca adyści ad «vielmi libieralnych pryncypaŭ» atrymańnia polskaha hramadzianstva. Dla atrymańnia hramadzianstva zamiežnik pavinien budzie davieści, što jon intehravaŭsia ŭ polskaje hramadstva i dobra vałodaje polskaj movaj.
Stratehija praduhledžvaje taksama padtrymańnie suviaziaŭ z palakami i asobami polskaha pachodžańnia, jakija pražyvajuć za miežami Polščy. Pa acenkach aŭtaraŭ dakumienta, ich naličvajecca kala 20 miljonaŭ. Urad praduhledžvaje dla ich dapamohu ŭ vyvučeńni polskaj movy, hramadzianskaje i patryjatyčnaje vychavańnie, zachavańnie identyčnaści i suviaziej z Polščaj, humanitarnuju i miedycynskuju dapamohu, asabliva dla asob starečaha ŭzrostu.
Taksama płanujecca sadziejničać atrymańniu adukacyi, pracaŭładkavańniu i pierasialeńniu takich ludziej u Polšču.
Ciapier čytajuć
Čamu ŭ pačatku 20 stahodździa estoncy, litoŭcy i łatyšy stvaryli dziaržavu, a biełarusy — nie? Adkazvaje Cieraškovič9
Kamientary