Амерыканец, які прыехаў з Літвы ў таварным вагоне, хоча застацца ў Беларусі
Прапагандысты паказалі сюжэт з 27-гадовым грамадзянінам ЗША Антонам Росам, які нелегальна перасёк літоўска-беларускую мяжу ў вагоне грузавога цягніка, піша Reform.news.
У сюжэце, які выйшаў сёння на тэлеканале «Беларусь 1», Антон Рос расказаў, што некалькі гадоў таму быў у Беларусі і хацеў бы тут застацца.
«Я сябе добра адчуваю, выдатна кормяць, выдатныя ўмовы. Я … так атрымалася, што ў мяне цяжка з дакументамі, і я, так бы мовіць, у роспачы паспрабаваў такой апошняй спробай дабрацца да вас сюды.
Я быў калісьці ў Беларусі, мне тады вельмі спадабалася. Я быў у Мінску некалькі гадоў таму, і мне ўсё вельмі спадабалася. Мне спадабаліся чысціня, утульнасць, прыстойнасць людзей, вось. І добразычлівасць — вось самы такі вось настрой, скажам, спакойны. І я быў вельмі натхнёны, калі тут пабываў упершыню.
У мяне знаёмыя там былі, сябры — і вельмі як бы, вельмі сумленныя, добрыя людзі з Беларусі. Я вось трапіў сюды, і тады ўбачыў, што яны не выключэнне. Я хадзіў у рускую школу некалькі гадоў. Усё добра, выдатна абыходзяцца. Толькі калі можна было неяк застацца … Маме сказаць, што ўсё добра. Тут кормяць, пояць, цёпла, можна адпачыць. Ну, карацей, умовы добрыя і ўсё нармальна», — кажа мужчына на камеру па-руску без акцэнту.
У сюжэце паведамілі, што ў мужчыны ёсць «некаторыя праблемы са здароўем», якія развязваюцца беларускімі спецыялістамі.
Раней у Дзяржаўным памежным камітэце заяўлялі, што пасля прыцягнення да адміністрацыйнай адказнасці грамадзяніна ЗША дэпартуюць на тэрыторыю Літвы.
Антон Рос быў затрыманы супрацоўнікамі беларускай мытні ўначы 31 сакавіка на чыгуначнай станцыі «Маладзечна» ў вагоне таварнага цягніка.
Амерыканец, якога знайшлі ў таварным вагоне ў Маладзечне, двойчы спрабаваў трапіць у Беларусь афіцыйна. Яго дэпартуюць
Амерыканец, затрыманы на чыгунцы пад Маладзечнам, ніяк не звязаны з катастрофай на палігоне
У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь з Літвы
Цяпер чытаюць
Прапагандысты паказалі шэсць беларусаў, арыштаваных за данаты. Большасць з іх пераводзілі нязначныя сумы4
Каментары
Напісана ж, праблемы с здароўем. Якія менавіта праблемы.. тут да бабкі не хадзі.